Үндэсний статистикийн хорооноос гаргасан мэдээгээр энэ сарын 1-ний байдлаар улсын хэмжээнд 432.4 мянган тонн хадлан бэлтгэжээ. Тодруулбал, энэ нь өмнөх оныхоос 22.2 мянган тонноор их юм байна. Ихэнх аймагт энэ жил зуншлага сайн байсан нь газрын гарцад нөлөөлж, хадлан арвин бэлтгэхэд эерэг нөлөө үзүүлжээ.

Ер нь энэ он газар тариалангийн салбарт ээлтэй байна гэж хэлж болох аж. Тухайлбал,17 мянган тонн төмс хураасан нь өмнөх оныхоос 2.1 дахин их, 19.4 мянган тонн хүнсний ногоо хурааж авсан нь өмнөх оныхоос 16.4 хувиар их үзүүлэлт юм байна. Гар тэжээлийн хувьд 9.2 мянган тонныг бэлтгэсэн нь өмнөх оныхоос 199.3 тонноор илүү ажээ.