Кино сонирхогчдын дунд хэдийнэ хүлээлт үүсгээд буй “Аравт” дэлгэцийн шинэ бүтээл постероо дэлгэлээ. Уг киноны ерөнхий найруулагчаар Д.Золбаяр ажиллаж, “Монгол фильм” групп бүтээж байгаа билээ. 13-р зууны үеийн Чингис хааны цэргийн зохион байгуулалтын хамгийн бага нэгж болох арван цэргийн амьдралыг өгүүлсэн энэхүү кино нь ирэх аравдугаар сард нээлтээ хийхээр товлоод байгаа юм. Тус киноны гол дүрд Өвөрмонголын жүжигчин Б.Баасанжав болон гавьяат жүжигчин Б.Жаргалсайхан, Өвөр Монголын жүжигчин Ч.Бодь, Л.Жамбал, Д,Гүрсэд, Э.Буянхишиг болон хошин урлагийн “Х-Түц” хамтлагийн жүжигчин Н.Онон, УДЭТ-ын жүжигчин Ц.Цэрэнболд, жүжигчин Б.Амарсайхан нар тогложээ. Туслах дүрүүдэд Өвөр Монголын жүжигчин Б.Аюурдадь, жүжигчин Б.Золбоот, С.Ариунбямба, Төрийн соёрхолт жүжигчин Д.Сосорбарам, жүжигчин Д.Ганцэцэг, Ё.Цог тус тус тоглосон байна. Түүнчлэн тус кинонд хөгжмийн зохиолчоор Б.Чинбат, дууны найруулагчаар Б.Мөнхбат, Б.Байгальт, ерөнхий зураачаар Ж.Цог, ерөнхий зураглаачаар Г.Баттулга, И.Хасболд нар ажиллажээ.