АНУ-ын ерөнхийлөгч Барак Обама эдийн засгийн ерөнхий зөвлөхөөр хөдөлмөрийн зах зээлийн мэргэжилтэн, Принстоны их сургуулийн профессор Алан Крюгерыг сонголоо. Тэрбээр ерөнхийлөгчийн эдийн засгийн зөвлөхүүдийн зөвлөлийн даргын тушаалд Остан Гулсбийг орлох юм. Барак Обама шинэ ажлын байр бий болгох багц арга хэмжээг зарлахын өмнө энэ сонголтоо хийжээ. Ерөнхийлөгч энэхүү шийдвэрээ АНУ-ын Хөдөлмөрийн өдөр буюу энэ сарын 5-нд зарлах юм.

Өдгөө 50 настай Крюгер IDEAS/RePEc-ийн шилдэг 50 эдийн засагчийн тоонд багтсан нэгэн. Тэрбээр боловсрол нь цалинд нөлөөлөх, цалин хөлсний доод хэмжээ зэрэг бусад хамаарлын нөлөөг үнэлэн тооцох аргачлалыг бүтээгч. Мөн тэрбээр терроризмын тухай ном бичсэн бөгөөд түүндээ ядуурал нь террорыг үүсгэдэг гэх нийтлэг ойлгомжийг үйсгэсэн юм. Тухайлбал, террористууд дунд ангиас гаралтай, коллежийн боловсролтой хэмээн өгүүлсэн байв.

Өдгөө АНУ-д ажилгүйдэл 9,1 хувьтай байна. Америкийн ажилгүйдлийн төвшин өндөр байгаа нь 2008 оны хямралаас хойш эдийн засгийг сэргээхэд ноцтой саад болж байгаа билээ.