Эстонийн ерөнхийлөгчөөр Томас Ильвес сонгогдлоо | News.MN

Эстонийн ерөнхийлөгчөөр Томас Ильвес сонгогдлоо

Хуучирсан мэдээ: 2011.08.31-нд нийтлэгдсэн

Эстонийн ерөнхийлөгчөөр Томас Ильвес сонгогдлоо

Эстонийн ерөн­хий­­лөгчийн сонгууль энэ 29-ний өдөр болж өнөөгийн ерөн­хийлөгч Тоомас Хенд­рик Ильвес да­хин сонгогдлоо. DzD агентлагийн мэдээ­гээр түүний төлөө 73 депутат санал өгсөн байна.  Ерөн­хийлөгчөөр сон­гог­­доход нийт 101 ги­шүүдээс 69 депутатын саналыг авахад хангалттай гэнэ. Түүнтэй өрсөлдсөн Индрек Таранд 25 санал авсан бөгөөд гурван саналын хуудсыг хүчингүйд тооцогдлоо.

Эстони нь парламентын засаглалтай бөгөөд ерөнхийлөгч нь бэлгэдлийн буюу манайхтай ижил үүрэгтэй. Парламент нь ерөнхийлөгчөө таван жилийн хугацаатайгаар сонгодог. Хуулиар нэр дэвшигч хангалтай санал аваагүй бол сонгуулийг дахин дахин явуулдаг. Тоомас Ильвес Стокгольм хотноо эстони цагаачдын гэр бүлд төржээ. Хожим гэр бүл нь АНУ-д шилжин амьдарч байв. 1980-аад оны дунд үеэс Ильвест “Чөлөөт Европ” радио станцад ажиллаж дараа нь дипломат албанд шилжин АНУ, Канад, Мексикт Эстонийн Элчин сайдаар ажилласан. 1990-ээд оны сүүлчээр Гадаад хэргийн сайд байгаад 2006 онд ерөнхийлөгчөөр анх удаагаа сонгогджээ.

Ш.Мягмар

"Ардын эрх" сонин

0 сэтгэгдэл

News.mn сайтад сэтгэгдэл оруулахад анхаарах зүйлс

NewsMN Гар утасны хувилбар Татах
NEWS.mn

Мэдээллийн эх сурвалж