Бүгд найрамдах Финлянд улсын Ерөнхийлөгч эрхэмсэг хатагтай Таръяа Халонен Монгол Улсад албан ёсны айлчлал хийхээр өнөөдөр 10.45 цагт “Чингис хаан” нисэх онгоцны буудалд газардлаа. Хэдийгээр Улаанбаатар хотод бороотой байсан ч энэ нь төдий л саад учруулсангүй. Финлянд улсын Ерөнхийлөгч Таръяа Халонен Монгол Улсад гурав хоногийн айлчлал хийх юм. Энэ хугацаанд Монгол Улсын Ерөнхийлөгчтэй уулзана. Мөн УИХ-ын дарга Д.Дэмбэрэл, Монгол Улсын Ерөнхий сайд С.Батболд нар Финланд улсын Ерөнхийлөгч, хатагтай Таръяа Халоненд бараалхана. Дээрх арга хэмжээний хүрээд мөн Монгол-Финлянд улсын бизнес форум зохион байгуулагдана.

Айлчлалын зорилго нь хоёр орны харилцааг өргөжүүлэх, тэр дундаа хувийн хэвшлийн салбарыг шинэ шатанд гаргахад оршиж байна. Айлчлалын албан ёсны арга хэмжээнүүд маргааш эхэлнэ.