ӨМӨЗО-ны Рашаан хот нь Их хянганы давааны баруун өмнөд уулын хормойд оршдог. Зундаа сэрүүхэн, тааламжтайгаас гадна гайхамшигтай гэмээр онгон байгаль, галт уулын үзэмж нь олон жуулчдыг татдаг байна. Статистик мэдээллээс харахад, тус хот энэ жилийн зургадугаар сард давхардсан тоогоор 384300 жуулчин хүлээн авчээ. Энэ нь өнгөрсөн оны мөн үетэй харьцуулахад есөн хувиар өссөн үзүүлэлт аж. Мөн тэд жуулчдыг татах зорилгоор олон үйл ажиллагаа зохион байгуулдаг төдийгүй хууль сахиулагчид нь мориор эргүүл хийх болжээ.

Эх сурвалж: CCTV