Ажил хаялтын улмаас хоёр долоо хоног хойшилсон Испанийн Ла лигийн шинэ улирлын тоглолтууд эхэллээ. Энэ тойрогт “Эзэн хааны албат”-ууд “Реал Сарагоса”-гийн талбайд зочлон 6:0 харьцаатай улирлын анхны учраагаа буулган авлаа. Энэхүү тоглолтод өнгөрсөн жилийн мэргэн бууч Криштиан Рональдо хеттрик /24’, 71’, 86’/ хийж,  Марсело 29 дэх минут, Алонсо 64 дэх минут, Месут Озилийн сэлгээгээр гарсан Кака 82 дахь минутад гоолджээ. Ла лигийн мэргэн буучийн жагсаалтыг Рональдогоос гадна “Валенсия”-гийн Солдадо гурван гоолоор тэргүүлж байна.

Ла лигийн эхний тойргийн тоглолт өнөө шөнө 04.00 цагаас “Барселона” талбайдаа “Вильярреал”-ыг хүлээн авснаар өндөрлөх юм.

Испанийн Ла лигийн эхний тойргийн дүн:

“Спортинг Гиён” 1 – 2 “Реал Сосейдад”
“Валенсия”  4 – 3 “Сантандер”
“Гранада” 0 – 1 “Реал Бетис”
“Атлетико Мадрид” 0 – 0 “Осасуна”
“Атлетик Билбао” 1 – 1 “Раяо Валлесано”
“Maльoркa” 1 – 0 “Испаниоль”
“Хетафе” 1 – 1 “Леванте”
“Реал Сарагоса” 0 – 6 “Реал Мадрид”
“Севилья” 2 – 1 “Малага”