“Даншиг наадам-Хүрээ цам 2018” шашин соёлын наадам Хүй долоон худагт болж байгаатай холбоотойгоор том оврын автобус тус газар луу үйлчилж байна.

Тодруулбал, “Хүй долоон худаг – 5 шар” чиглэлд 08:00 цагаас 21:30 цагийн хооронд 10-25 минутын давтамжтайгаар “5-н шар /хойд/” –ын автобусны зогсоолын зүүн талын зогсоолоос иргэдэд нийтийн тээврийн үйлчилгээг үзүүлж байгаа юм.

Тус чиглэлд бэлэн мөнгөөр үйлчлүүлж байгаа ба том хүн–1000, хүүхэд–200 төгрөг төлөх ёстой.

Г.ХОРОЛ