Бүгд Найрамдах Энэтхэг Улсаас Монгол Улсад суугаа Элчин сайдын яаманд шинээр томилогдсон 1 дүгээр Нарийн бичгийн дарга ноён О.П. Менаг тус газрын Тамгын газрын дарга М.Төрбат, Эрх зүй, гадаад харилцааны хэлтсийн дарга Ч.Тулгацоодол нар хүлээн авч уулзлаа. 1 дүгээр Нарийн бичгийн дарга тус албан үүрэгт томилогдоод удаагүй бөгөөд Монгол Улсын Засгийн газрын төлөөлөлтэй анхны уулзалтаа Гадаадын иргэн, харьяатын газарт хийлээ.
Тус уулзалтаар хоёр талын хамтын ажиллагааны талаар хэлэлцсэн бөгөөд Бүгд Найрамдах Энэтхэг Улсын цагаачлал, шилжилт хөдөлгөөний ижил чиг үүргийн байгууллагатай хамтарч ажиллах “Харилцан ойлголцлын санамж бичиг” байгуулах болон БНЭУ-д тус байгууллагын албан хаагчдын чадавхыг бэхжүүлэх богино болон дунд хугацааны сургалтад хамруулах талаар харилцан санал солилцсон.
Эх сурвалж: ГАДААДЫН ИРГЭН, ХАРЬЯАТЫН ГАЗАР