Боксын аваргын бүсийн төлөөх тулаан болно | News.MN

Боксын аваргын бүсийн төлөөх тулаан болно

Хуучирсан мэдээ: 2018.08.03-нд нийтлэгдсэн

Боксын аваргын бүсийн төлөөх тулаан болно

Боксын аваргын бүсийн төлөөх тулаан болно

“Чингэс” мэргэжлийн боксын холбооноос өнөөдөр /2018.08.03/ Спортын төв ордонд хэвлэлийн хурал хийлээ. Хурлаар маргааш болох мэргэжлийн боксын аваргын бүс хамгаалах тулааны талаар мэдээлэл өгсөн юм.

Тулаан Хан-Уул дүүргийн Соёлын ордонд 18.00 цагаас  болох бөгөөд нийт гурван тулаан болох юм байна. “Чингэс” мэргэжлийн боксын одоогийн аварга Г. Баяртогтох нь энэ 2018 оны гуравдугаар сард Оросын боксчин Василий Сергеевичтэй тулалдан аварга болсон аж. Маргааш болох аваргын бүсээ хамгаалах тулаанаа Ч. Чулуунтөмөр боксчинтой хийнэ. Тэд хүндэвтэр жин буюу 90,7кг жинд тулалдах юм.

Өрсөлдөгч Ч.Чулуунтөмөрийн хувьд Ази тивийн аваргаас мөнгөн медаль хүртэж байсан туршлагатай тамирчин. Мөн дагалдах тулаанууд болох бөгөөд эмэгтэй боксчид тулалдахаар мэдүүлгээ өгчээ. Эмэгтэй боксчид 50, 57 кг-ын жинд өрсөлдөнө.

“Чингэс” мэргэжлийн боксын холбоо сүүлийн таван тулааныг Монголдоо зохион байгуулсан байна. Хэвлэлийн хурлын дараа тамирчид жингээ үзүүлж, өрсөлдөх тамирчидтайгаа зургаа татуулсан юм.

“Чингэс” мэргэжлийн боксын холбооны тэргүүн Г. Баяртогтох

“Чингэс” мэргэжлийн боксын холбооны тэргүүн Г. Баяртогтох:

-Аваргын бүсээ хамгаалах тулаанаа маргааш Ч. Чулуунтөмөр боксчинтой хийх гэж байна. Өрсөлдөгч тамирчин минь улсын шигшээ багт 10 гаруй жил хүнд жинд шилдэг тамирчин байсан. Азийн аваргын мөнгөн медальтай, туршлагатай тамирчин байгаа. Миний хувьд сүүлийн таван тулаанаа өөрөө зохион байгуулаад хийж байгаа юм. Манай холбооны хувьд гэхэд энэ оны хоёр сард байгуулагдсан. Мэргэжлийн боксын чиглэлээр үйл ажиллагаа явуулдаг. Чингэс хааныхаа хөрөгтэй аваргын бүс хийлгэсэн. Энэ оны хоёрдох тэмцээнээ хийх гэж байна. Тэмцээн явуулна гэдэг мэргэжлийн боксыг сурталчилж байгаа бас нэг хэлбэр юм. Цаашдаа клубтэй болно. Мэргэжлийн бокст тулалдах сонирхолтой тамирчдыг бэлдэх зорилготой байна.

4 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2018-08-03 112.72.11.110

Mergejliin boks hogjuuleh gej zutgej bgad ni bayar hurgie.

Avatar

Зочин 2018-08-03 58.108.114.186

Юуны аварга юм бэ дээ зайлуул.. Хэхэ

Avatar

Зочин 2018-08-03 66.181.184.169

Ooroo chdahgun bj muu uher mongol chin demjeed ogoh hergteishd

Avatar

Зочин 2018-08-03 27.123.214.113

Өөөө энэ бүс нь болио дээлний тоногтой бүс шиг л юм бхын

Avatar

Зочин 2018-08-03 66.181.184.169

Hhaha ta ooroo iluu buur goy surteig hiiged ogchch

NewsMN Гар утасны хувилбар Татах
NEWS.mn

Мэдээллийн эх сурвалж