Өнөөдөр хагас шигшээд өрсөлдөх тамирчид тодорно | News.MN

Өнөөдөр хагас шигшээд өрсөлдөх тамирчид тодорно

Хуучирсан мэдээ: 2018.08.03-нд нийтлэгдсэн

Өнөөдөр хагас шигшээд өрсөлдөх тамирчид тодорно

Өнөөдөр хагас шигшээд өрсөлдөх тамирчид тодорно

БНХАУ-ын Нанжин хотноо бадминтоны 2018 оны ДАШТ үргэлжилж байна. Өнгөрсөн сарын 30-нд эхэлсэн тэмцээний 3-р шатны тоглолтууд өндөрлөж өнөөдрөөс хагас шигшээд өрсөлдөх эрхийн төлөөх тоглолтууд явагдана.

Эрэгтэй ганцаарчилсан төрөлд залуу тамирчин Ши Үчи болон олимп, дэлхийн аварга Лин Дан нарын Хятадын хоёр шилдэг тамирчдын өрсөлдөөн сонирхолтой байлаа. Өсөх яваа залуу тамирчны эсрэг олимп, дэлхийн аварга ахмад тамирчин тоглосон ч эрч хүчтэй залуу тамирчин аваргыг 21-15, 21-9 харьцаатай хожиж дунд шөвгийн 8-д шалгарсан. Аваргыг хожсон Ши Үчигийн дараагийн өрсөлдөгч нь Тайваны Чоу Тиен Чен байх юм. Тэгвэл өнгөрсөн жилийн дэлхийн аварга, Риогийн олимпийн аварга Данийн В.Акселсен дунд шөвөгт Риогийн олимпийн алт, дэлхийн хошой аварга Хятадын Чен Лонтой таарсан нь спорт сонирхогчдын анхаарлыг татаж байна. Хоёр тамирчин өнгөрсөн жилийн ДАШТ-ний хагас шигшээд таарч тоглоход Дани залуугийн ялалтаар өндөрлөж байсан.

Эмэгтэй ганцаарчилсан төрөлд өнгөрсөн оны дэлхийн аварга, Риогийн олимпийн хүрэл медальт Японы Н.Окухара, Риогийн олимпийн мөнгө, ДАШТ-ний мөнгө, хошой хүрэл медальт Энэтхэгийн П.Синдхи болон олимп, дэлхийн аварга Испаний К.Марин нарын шилдгүүд дунд шөвөгт шалгараад байна.  

Б.БЯМБАБАЯР

1 Сэтгэгдэл

News.mn сайтад сэтгэгдэл оруулахад анхаарах зүйлс

Avatar

nuudel 2018-08-03 43.249.37.35

Rio-giin olimpiin avraga Akselsen, Rio-giin olimpiinalt delhiin hoshoi avrga Chen Lon 2 toglono genuu.2ulaa olimpoos Rio-goos alt avsan yumuu.Badmintond dotroo uur uur jin uur uur turul esvel baidag yumuu.

NewsMN Гар утасны хувилбар Татах
NEWS.mn

Мэдээллийн эх сурвалж