ДАШТ-ий үеэр Орост 600 мянган жуулчин иржээ | News.MN

ДАШТ-ий үеэр Орост 600 мянган жуулчин иржээ

Хуучирсан мэдээ: 2018.08.02-нд нийтлэгдсэн

ДАШТ-ий үеэр Орост 600 мянган жуулчин иржээ

ДАШТ-ий үеэр Орост 600 мянган жуулчин иржээ

Энэ оны зургаадугаар сарын 14-өөс долдугаар сарын 15 хүртэл ОХУ-д зохиогдсон хөлбөмбөгийн ДАШТ-ний үеэр дэлхийн 83 улсаас 600 мянга орчим жуулчин хүрэлцэн иржээ. Жуулчид дунджаар 17 хоногийг ОХУ-д өнгөрүүлсэн хэмээн онгоцны тийз, зочид буудлын захиалгын үйлчилгээ эрхэлдэг Skyscanner компанийн тайланд дурджээ. Энэ компани нь Азидаа томд орох Хятадын аялал жуулчлалын Ctrip агентлагийн бүрэлдэхүүнд байдаг аж.

Нийт жуулчдын 13.4 хувийг Өмнөд Солонгосын жуулчид эзэлж байна. Дараагаар нь Герман /12.4 хувь/, Испани /5.2 хувь/ эрэмбэлэгджээ. ДАШТ-ний үеэр Мексикээс Орос хүрэх онгоцны тийз хамгийн өндөр үнэтэй буюу 131.2 мянган рубль байсан аж. Үүний дараагаар АНУ-аас ирэх тийз байсан бөгөөд үнэ нь 98.4 мянга орчим рубль болжээ.

Жуулчдын 28,6 хувь нь Оросын “Аэрофлот” компанийг сонгож ниссэн бол хоёрдугаар байрт мөн Оросын S7, гуравдугаарт Германы Lufthansa, дөрөвдүгээрт Оросын “Уральские авиалинии”, тавдугаарт Өмнөд Солонгосын Кorean Air орсон байна. Эдгээрээс гадна Голландын KLM, Саудын Арабын Emirates компани эрэлттэй байсныг тайланд онцолжээ. 

Онгоцоор ниссэн жуулчдын 99,2 хувь нь энгийн ангиллаар ниссэн байна. 

Эх сурвалж: РИА НОВОСТИ
 

5 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2018-08-02 202.131.245.243

ОХУ-д болсон ДАШТ-2018-ыг нийтдээ 6,8 сая жуулчин үзсэнээс 3,4 сая нь гадаадын жуулчид байжээ. Энэ тухай Холбооны аялал жуулчлалын агентлаг болох Ростуризм-ын захирал Олег Сафонов мэдэгдлээ.
Тус агентлаг хөл бөмбөгийн тэмцээнүүд явагдсан 11 хотын удирдлагатай хамтран тэмцээний дүн мэдээг гаргасан байна.
6 дугаар сарын 14-нөөс 7 дугаар сарын 15 хүртэл явагдсан ДАШТ-ийг нийтдээ 6,8 сая жуулчин үзсэнээс 3,4 сая гадаадын иргэд байжээ. Дээрх агентлаг 1 сая гадаадын жуулчин ирнэ гэж урьдчилан тооцоолж байсан аж.
Ростуризм-ын мэдээлэлд дурдсанаар, ДАШТ-ий тоглолтуудыг зохион байгуулсан хотууд 2017 оны мөн үетэй харьцуулахад 40 хувиар илүү олон жуулчдыг хүлээн авсан байна. Хамгийн олон жуулчид зочилсон хот бол Москва бөгөөд тус хотод 3 сая жуулчид ирснээс 2 сая нь гадаадын иргэд байжээ. Оросын нийслэлд Хятадаас 223,2 мянга, АНУ-ын 167,4 мянга, Германы 81,6 мянга, Холландаас 61,9 мянга, Францын 45,1 мянган жуулчин ирсэн байна.

Avatar

Зочин 2018-08-02 107.77.161.11

За тэгээд 9 сарын дараа таван тивийн газар газрын өнгө өнгийн хүүхдүүд төрж эх болсон орос орноо баярлуулах байх

Avatar

Аса 2018-08-02 27.123.214.107

Энэ тоон мэдээ зөвхөн Skyscanner компаниар ирсэн жуулчдын тоо байна. Дээрх хугацаанд 3.4 сая жуулчин ирсэн гэсэн.

Avatar

Зочин 2018-08-02 202.9.40.244

1.5 saya gej sonsson yum bn

Avatar

Зочин 2018-08-02 202.72.245.203

МАНАЙД ИРСЭНТЭЙ АДИЛХАН ХЭРЭГ УУ? Чааваас даа

NewsMN Гар утасны хувилбар Татах
NEWS.mn

Мэдээллийн эх сурвалж