Дижитал технологи, хиймэл оюун ухаан хүний үйлдлүүдийг хийх чадвартай болж байна | News.MN

Дижитал технологи, хиймэл оюун ухаан хүний үйлдлүүдийг хийх чадвартай болж байна

Хуучирсан мэдээ: 2018.08.02-нд нийтлэгдсэн

Дижитал технологи, хиймэл оюун ухаан хүний үйлдлүүдийг хийх чадвартай болж байна

Дижитал технологи, хиймэл оюун ухаан хүний үйлдлүүдийг хийх чадвартай болж байна

Сингапур улсад болсон хадгаламж, зээлийн хоршооны дэлхийн чуулга уулзалтаар салбарын зах зээлийн олон улсын чиг хандлага, финтек, блокчэйн технологид суурилсан дижитал гүйлгээ, дижитал эдийн засгийн талаар түлхүү төвлөрч хэлэлцсэн байна.

Чуулганаар Европын дижитал технологи, инновацийн тэргүүлэх эксперт, стратегич, Футурист Шиви Жервис тавьсан илтгэлдээ “Хүн төрөлхтөн илүү дижитал болж байгаа ч дижитал технологи улам бүр хүн шиг болж байна. Өөрөөр хэлбэл хиймэл оюун ухаан (artificial intelligence) нь илүү хүний хийдэг үйлдлүүдийг хийж гүйцэтгэх чадвартай болсоор байгаа. Технологийг бид бизнесийн соёл, холбогч, хурдасгуур гэж ойлгох хэрэгтэй. Технологи нь зөвхөн хувирч өөрчлөгдөөд байдаг зүйл биш харин тогтвортой байж, урт хугацаанд үр нөлөө нь бий болдог зүйл юм” хэмээжээ.

Мөн тэрбээр дижитал шилжилт нь процесс гэхээсээ илүү оюун санааны тухай ойлголт юм. Байгууллага бүр одоо хийж байгаа зүйл болон ирээдүйгээ баталгаатай болгохын тулд гурван зүйлийг хэрэгжүүлэх ёстой. Тухайлбал “Дижитал IQ-ийг нэмэгдүүлэх, инновацийн соёлыг хөгжүүлэх, технологийн боломжийг олж харах, гэхдээ үүнийг зөвхөн IT-ийн асуудал гэж ойлгох биш, бизнесийн бүхий л түвшинд авч үзэх шаардлагатай”-г онцолсон байна. Чуулганаар томоохон хадгаламж, зээлийн хоршоод болон Сингапурын финтек, блокчэйн технологийн салбарт тэргүүлэгчдийн төлөөлөгчид, технологид суурилсан дижитал гүйлгээ, инновацийг хадгаламж зээлийн хоршооны үйл ажиллагаанд хэрхэн нэвтрүүлэх талаар хэлэлцсэн байна.

Чуулга уулзалттай холбоотой дэлгэрэнгүй мэдээллийг доорх холбоосоор авна уу.

http://www.woccu.org/newsroom/releases/Digital_Technologies_Are_Becoming_More_Human

Эх сурвалж: СЗХ

1 Сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2018-08-02

ACHIGCH BAIHGUI BOLNO

NewsMN Гар утасны хувилбар Татах
NEWS.mn

Мэдээллийн эх сурвалж