ХХБанк “SAVE LIFE” төсөлтэй үргэлжлүүлэн хамтран ажиллалаа

Хуучирсан мэдээ: 2018.08.01-нд нийтлэгдсэн

ХХБанк “SAVE LIFE” төсөлтэй үргэлжлүүлэн хамтран ажиллалаа

ХХБанк “SAVE LIFE” төсөлтэй үргэлжлүүлэн хамтран ажиллалаа

ХХБанк нийгмийн хөгжлийн төлөө JCI Mongolia байгууллагаас санаачлан зохион байгуулж буй НҮБ-ын “Тогтвортой хөгжлийн 17 зорилго”-д чиглэсэн нярайн эндэгдлийг бууруулах зорилготой “SAVE LIFE” төслийн 2018 оны III шатыг дэмжин, дахин хамтран ажиллаа.

Уг төслийн III шатанд ЭХЭМҮТ-ийн нярайн мэс заслын дараах эрчимт эмчилгээний тасгийн өргөтгөлийг хийж гүйцэтгэн олон улсын стандартын шаардлагад нийцэхүйц тохижилт болон тоног төхөөрөмжийн хамт хүлээлгэн өгч нээлтээ хийлээ. Нээлтийн арга хэмжээнд ХХБанкны Гүйцэтгэх захирал О.Орхон оролцож цаашид ч “SAVE LIFE” төслийг дэмжин ажиллахаа мэдэгдсэн бөгөөд төслийн багт ажлын өндөр амжилт хүсч, талархал илэрхийллээ.

2017 онд ХХБанкны оролцсон “SAVE LIFE” төслийн II шатанд нярайд зориулсан хагалгааны иж бүрэн тоног төхөөрөмжийг хандивлаж, тусгайлсан мэс заслын өрөөг бий болгосон үйл ажиллагааны үр дүнд мэс заслын дараах эргэн сэргэлт 72.2% байснаас 10%-иар нэмэгдэж 82.2% болж уг төсөл өнгөрсөн онд 20 хүүхдийн алтан амийг аварч чадсан байна.

ХХБанк нь нийгмийн хариуцлагын хүрээнд хүүхэд, залуучуудын эрүүл мэнд, боловсролд чиглэсэн олон төсөл, арга хэмжээг цаашид ч зохион байгуулж, дэмжиж ажилласаар байх болно.

“Save Life” төсөлд хамтран нэгдэж, хойч үедээ үнэтэй хувь нэмэр оруулж буй бүх байгууллагууд болон хувь хүмүүст ХХБанк талархал илэрхийлж байна.

ХӨГЖИЛ, ДЭВШИЛД ХАМТДАА

ХӨГЖИЛ, ДЭВШИЛД ХАМТДАА

NewsMN Гар утасны хувилбар Татах
NEWS.mn

Мэдээллийн эх сурвалж