Өдгөө 41 настай Винс Картер Атланта Хаукс багтай 1 жилийн 2.4 сая гэрээ байгууллаа. Ингэснээр В.Картер НБА-д 21 дэх улиралдаа тоглох гэж байгаа бөгөөд түүний 8 дахь баг болж байна. Өөрийн нэрийн хуудас болсон слам данкаар сагсан бөмбөг сонирхогчдын хайрыг татсан В.Картер өнгөрсөн улиралд Сакраменто Кингс багт тоглож 5.4 оноо дундажласан юм.

Өнгөрсөн улирлын оны шилдэг дасгалжуулагчаар шалгарсан Д.Кейси Торонто Рэпторс багаа орхиж Детройт Пистонс багийн дасгалжуулагчаар томилогдсон. Тэгвэл түүний ажлыг туслах дасгалжуулагчаар ажиллаж байсан Н.Нурсэ авсан байна.

Нью-Йорк хотын Бруклин Нэтс баг Портлэнд Трэйл Блэйзерс багаас төвийн тоглогч Э.Дэвисийг өөрийн болгосон байна. Э.Дэвис 8 улирал НБА-д тоглохдоо Торонто Рэпторс багаас замналаа эхлээд Мемфис Гриззлис, Лос-Анжелес Лейкерс болон Портлэндэд тоглож байсан. Өнгөрсөн улиралд 5.3 оноо дундажлаж, 7.4 самбараас бөмбөг авсан.

Голден Стэйт Уорриорс төвийн тоглогч Ж.МкГийг Лос-Анжлелес Лейкерс руу явуулаад байсан бол мөн төвийн тоглогч З.Пачулиаг Детройт руу явуулсан байна. Детройт Пистонс Гүрж төвийн тоглогчтой 1 жилийн 2.4 сая ам.долларын гэрээ байгуулжээ. 

Кливлэнд Кавальерс баг К.Лаувтай 4 жилээр гэрээгээ сунгасан байна. Баг нь түүнд 4 жилийн 120 сая ам.долларын гэрээ санал болгосон. Ямартаа ч Кливлэндийн удирдлагууд багийнхаа ирээдүйг К.Лаув гэж харж байгаа бололтой.

Милуоки Бакс баг Лос-Анжелес Лейкерс багаас төвийн тоглогч Б.Лопезийг өөрийн болгосон байна. Б.Лопез өнгөрсөн улирал Лейкерсийн төлөө 74 тоглолтонд оролцохдоо 17.9 оноо дундажлаж, самбараас дунджаар 4 бөмбөг авсан байна.  

Б.БЯМБАБАЯР