“Bild” сонины захиалгаар Forsa гэх судалгааны төвөөс явуулсан олон нийтийн санал асуулгаар он цагийг эзэлсэн агуу герман хүнээр Вольфганг Гете тодорчээ. Нийт 2000 хүн оролцсон судалгааны 16 хувь нь яруу найрагчийг агуу германаар тооцлоо гэж Berliner Umschau бичжээ.
Жагсаалтын хоёрдугаарт Баруун Германы анхны канцлер Конрад Аденауэр, гуравт нь суут физикч Альберт Эйнштейн нар нэрлэгдэв. Германы түүхийн дөрөв дэх агуу хүнээр Германы эзэнт улсын анхны канцлер Отто фон Бисмаркийг асуулгад оролцогсод тодруулав. Уг асуулгын жагсаалтад өдгөө амьд сэрүүн хоёр хүн буюу Нэгдсэн Германы анхны канцлер Гельмут Коль ба Баруун Германы экс канцлер Гельмут Шмидт (тав ба долдугаар байр) байна.
Ш.Мягмар
"Ардын эрх" сонин