Туул гол дагуух барилгын зоорь усанд автжээ | News.MN

Туул гол дагуух барилгын зоорь усанд автжээ

Хуучирсан мэдээ: 2018.07.25-нд нийтлэгдсэн

Туул гол дагуух барилгын зоорь усанд автжээ

Туул гол дагуух барилгын зоорь усанд автжээ

Хөрс хатсан үед ариутгал халдваргүйжүүлэлт хийдэг

Энэ сард нутгийн ихэнх хэсгээр усархаг бороо орсны улмаас зарим газар үер бууж, хөрс ихээр бохирдсон. Нийслэлийн хувьд яг аль хэсэгт хөрсний ариутгал халдваргүйжүүлэлт хийж байгаа талаар Нийслэлийн онцгой байдлын газрын ахлах мэргэжилтэн Р.Мөнхбатаас тодрууллаа. Тэрбээр “Хөрсний ариутгал халдваргүйжүүлэлтийг лаг, шавар хатсаны дараа хийдэг. Ойрын өдрүүдэд тогтмол бороо орж байсан тул ариутгал халдваргүйжүүлэлт хийх боломжгүй байлаа. Манай байгууллага энэ ажлыг Мал эмнэлэг, Мэргэжлийн хяналт, эрүүл мэндийн салбарын бусад байгууллагатай хамтран хийдэг. Бид лаг, шавар, хөрс хатсан үед ариутгал халдваргүйжүүлэлт хийнэ, бэлтгэлээ бүрэн хангасан. Эхний ээлжид гэр хороолол ихтэй дүүрэг тухайлбал, Баянзүрх, Сонгинохайрхан, Чингэлтэй дүүрэгт хийхээр төлөвлөж байна. Түүнээс гадна энэ жил бороо их орж голын төвшин нэмэгдсэнтэй холбоотойгоор Хан-Уул дүүргийн III, XI, XV хороо буюу Туул голын эрэг дагуух барилгад хөрсний ус нэвчиж улмаар зоорь хэсэг усанд автсан. Үүнийг тухайн байрны иргэд болон СӨХ, зарим тохиолдолд манай байгууллагынхан соруулж, аюулгүй болгож байна” гэлээ.

Үерийн усанд өртсөн худаг болон ногоог хааж, устгах хэрэгтэй

Хөрсний ариутгал халдваргүйжүүлэлтийг хэрхэн хийх талаар Нийгмийн эрүүл мэндийн үндэсний төвийн мэргэжилтэн, доктор Ш.Батдэлгэрээс тодрууллаа.

-Иргэд хашааныхаа хөрсийг хэрхэн ариутгах вэ?

-Манай байгууллага үерийн дараа ариутгал халдваргүйжүүлэлтийг хэрхэн хийх талаар холбогдох байгууллагад заавар өгч ажилласан. Ариутгал, халдваргүйжүүлэлтийн бодис нь химийн найрлагатай тул иргэд мэргэжлийн хүний заавраар, тусгай байгууллагаар ариутгал хийлгэх нь зөв.

Жорлон, муу усны нүхэнд ус дүүрч, улмаар хальсан тохиолдолд хлорын шохойны 10 хувийн, мөн жавелионы  10 хувийн уусмалаар долоо хоногт хоёр удаа шүршиж ариутгах ёстой. Үүнийг мэргэжлийн хүмүүс найруулах нь зохимжтой.

-Үерийн дараа ахуйн ариун цэврийг хэрхэн сахих вэ?

Үерийн дараа гэдэсний халдварт өвчин, шар зэрэг халдварт өвчин тархах эрсдэл өндөр байдаг. Жорлонд орсон, гадуур явсан гутлаа тайлж, гэртээ орох хэрэгтэй. Хүүхдийнхээ хувцсыг сольж, гарыг нь сайн угаах хэрэгтэй. Үерийн үед гар халдваргүйжүүлэх энгийн арга нь давс, соданы уусмал. Гэртээ ийм уусмал бэлтгээд гараа ариутгаж болно. Мөн үерийн үед цэвэр болон цэвэршүүлсэн ус хэрэглэх, үерийн усанд бохирдсон хүнсийг хаях хэрэгтэй.

-Зарим айл хашаандаа ногоо тарьдаг. Үерийн усанд өртсөн ногоо болон худгийг яах вэ?

-Үерийн усанд өртсөн худаг болон ногоог хааж, устгах хэрэгтэй.

Р.Ренчиндулам

12 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2018-07-25 122.201.21.118

Тэнд байранд орсон хүмүүс эртхэн холдсон нь дээр дээ, аминд чинь өлзийтэй…

Avatar

Зочин 2018-07-25 122.201.21.118

Харин ч гайгүй өнгөрч. Нэг л мэдэхэд оргүй арчигдана. Газар шинжих монгол ухаан гэж хуучин байсан юм. Тэр хэмжүүрээр голын саваар байран суурин оршин суудаггүй.

Avatar

Зочин 2018-07-25 202.21.106.159

Туул голын сав дагуу баригдсан орон сууц жаран жил наслахгүйдээ.Усанд автаж хөрсний суултанд орох магадлалтай.1996 оноос их усны үе эхэлсэн.Туул гол үргэлж хайрга байхгүй.Бороо их орж тунадас их буух жилүүд хүлээж байна.

Avatar

Зочин 2018-07-25 202.70.34.98

ер нь бол баяр хүргэе.

Avatar

! 2018-07-25 202.9.42.5

Яах гэж хууль зөрчиж Туул голын дагуу барилга барьсан юм бэ. Хохь чинь. Наад барилгууд чинь удаан наслахгүй.

Avatar

Tuul 2018-07-25 27.123.214.104

Tend barigdaad baigaa barilguud udahgui bugd nurna daa baigali ehiig hairlahgui mungu huuj barisan yum chin

Avatar

иргэн 2018-07-25 103.57.92.239

Больж больж

Avatar

Гэлэг 2018-07-25 202.70.37.2

Туулын наад эрэг дагуу баригдсан Ривёр гарденгаас эхлэд удирдлагын академийн хойд тал хүртэл бүх барилгын подвал гражууд их бага хэмжээгээр усанд автсан Энэ нь борооны ус урсаж ороогүй хөрсний ус доороосоо ундарч байгаа юм байна лээ. Дахиад хэдэн өдөр бороо орвол хөрсний гүний ус бүр их шүүрэх болно.Туул 2 далангийнхаа хооронд дүүрэн урсаж байгаа Голын дунд байсан арал усанд дор орсон.Үериын аюултай байдалд байгаа

Avatar

Зочин 2018-07-25 112.72.8.90

Уг нь үер болоогүй уулын ус буусан үер гэвэл 1966 оны зураглалыг л үзээрэй тэр бол үер байлаа. Манай холбогдох албаныхан ус л буувал үер боллоо гээд л баярлах нь холгүй нөгөө царцаасан төсөвөөс мөнгө гаргуулна гээд л. Гэхдээ энэ доод шатны албаныханд бараг хүртээлгүй. АНХААРУУЛАХ МЭДЭЭ Хан уулын 11 дүгээр хороонд байрлах Оргил Стар хотхоны 59 дүгээр байрны подвал гаражид жилийн жилд хөрсний ус гардаг /суурийг тавихдаа ихээр гарч байсан хөрсний усны зайлуулгыг хөрөнгө мөнгө харамласнаас болж буруу дутуу эсвэл мэрэгжлийн улсуудыг хамруулаагүй эсвэл бүр хийгээгүй/ өнөөдөр 4-5 дахь хоногийн турш 50 ийн хоолойгоор насосдон татаж бохирын шугам руу хаяж байна. Нөгөө ус дууслаа гээд айлгаад хууль оруулаад байдаг ус сувгийнхан яасан нөгөө БОАЖЯ яасан нөгөө мэрэгжлийн хяналт яасан бүгд таг чиг. Иргэн эсвэл багаахан оврын харамж өгч чадахгүй ААН байсан бол өдийд дэвсээд хаячихсан оймсоо хатааж байгаа даа.Дэндүү харамсалтай.

Avatar

Зочин 2018-07-25 103.14.36.6

Усыг басч болдоггүй юм гэнэ лээ. Байр авах гэж байгаа хүммүс анхаарах буйз аа.

Avatar

zochin 2018-07-25 202.179.24.231

yagaad buch um n esregeer baidag um be ?, Mongol chaachaa yvaad bna?

Avatar

мгл 2018-07-25 122.201.31.119

туулын эргиин 70-р байрны отмостка нь замаасаа намхан,унстэй хайргаар сууриин гаднаас булсан тул бороо оронгуут л подвол усаар дуурдэг,олон жил ингэж байх барилгад маш муу.Хариуцсан хумуус барилгын ус зайлуулах товшинг ондорсгох,трубаг ном есоор хиих цаг болсон

NewsMN Гар утасны хувилбар Татах
NEWS.mn

Мэдээллийн эх сурвалж