Эрүүл мэндийн яамны сайдын 2018.07.16-ны өдрийн Б/40 тоот тушаалаар Улсын Нэгдүгээр Төв Эмнэлгийн Ерөнхий захирлаар Эмнэлзүй эрхэлсэн захирал Д.Чулуунбаатарыг өчигдөр /2018.07.23/ томилж, үр дүнгийн гэрээ байгуулжээ. Тэрбээр ажлаа хүлээж авсан даруйдаа Улсын Нэгдүгээр Төв эмнэлэгт тулгамдаж буй асуудлуудыг Эрүүл мэндийн сайд Д.Сарангэрэлд танилцуулж, доорхи асуудлуудыг нэн түрүүнд шийдвэрлүүлэхээр болжээ. Үүнд:

• Канадын Лаурель сангаас хандивласан нүдний хагалгааны туршилтын тоног төхөөрөмжүүд болон Нүдний торлог шилэнцэрийн хагалгааны 1.5 тэрбум төгрөгний өртөг бүхий багаж тоног төхөөрөмжүүдийг гаалийн татвараас чөлөөлөх

• Элэг шилжүүлэн суулгах хагалгаанд шаардагдах С-ARM, Урологи-Андрологийн төвийн мэс заслын зарим дутагдалтай эвдрэлтэй байгаа байгаа багаж тоног төхөөрөмжийг шинэчлэх 212,0/хоёр зуун арван хоёр сая/

• Нүдний мэс заслын хагалгааны өрөөний засварын хөрөнгө 85,0/наян таван сая/

• Бүрэн тоноглогдсон шинэ түргэн тусламжийн машин зэргийг шийдвэрлэхээр болсон байна.

Д.Чулуунбаатар нь УНТЭмнэлгийн Эмнэлзүйн салбарт ажиллаж байжээ. 

Сануулахад, өнгөрсөн тавдугаар сард тус эмнэлгийн ажилтнуудын буруугаас болж хоёр хүний амь нас эндсэнтэй холбоотой Улсын нэгдүгээр төв эмнэлгийн дарга Д.Очирбатыг үүрэгт ажлаас нь чөлөөлөх сайдын тушаал гарсан билээ. 

Э.ЖОНОН