Дэлхийн шатрын холбооны Ерөнхийлөгч, ноён К.Н.Илюмжиновыг Гадаад харилцааны сайд буюу Монголын болон Монгол туургатны шатрын холбооны Ерөнхийлөгч Г.Занданшатар өчигдөр хүлээн авч уулзлаа. Уулзалтын үеэр  Монгол Улсын орчин үеийн дипломат албаны 100 жилийн ойг тохиолдуулан дэлхийн монголчуудын шатрын их наадмыг зохион байгуулах талаар ярилцсан байна.

Дэлхийн монголчуудын шатрын их наадмыг олон улсад нээлттэй зохион байгуулахаараа онцлог юм. Уг наадмыг ирэх арванхоёрдугаар сард Улаанбаатар хотод зохион байгуулахаар төлөвлөж байгаа бөгөөд “Дэлхийн монголчуудын шатрын их наадам”-ыг  Дэлхийн шатрын холбоо болон Дэлхийн монголчуудын чуулганы ивээл дор  цаашид уламжлал болгон зохион байгуулахаар болжээ.