АНУ-ын спортын шилдгүүдийг шалгаруулдаг ESPY award (Excellence in Sport Performance Yearly Award) ёслолын ажиллагаа боллоо. Уг шагналыг 1993 оноос ESPN-ээс зохион байгуулж байгаад 2014 ABC зохион байгуулж эхэлсэн.

Олон номинацаар шилдгүүдийг тодруулдаг бөгөөд эдгээрийн дундаас шилдэг эрэгтэй, эмэгтэй тамирчинг тодруулдаг. Энэ жилийн эрэгтэй шилдэг тамирчнаар NHL-н Вашингтон Капиталс багийн ахлагч Орос залуу А.Овечкин шалгарсан юм. А.Овечкин тус шагналыг хүртсэн анхны NHL-н тамирчин болж байна. ESPY award-н эрэгтэй оны шилдэг тамирчнаар 1993 оноос хойш тогтмол АНУ-ын тамирчид нэрлэгдэж байсан бөгөөд 2011 онд ганцхан удаа Европын тамирчин болох Даллас Маверикс багийн Герман тоглогч Д.Новицки шалгарч байсан юм.

Бусад шилдгүүдээс дурьдвал: NHL-н шилдэг тамирчнаар А.Овечкин, NBA-н шилдэг тамирчнаар Л.Жеймс, эмэгтэй шилдэг талбайн теннисчнээр С.Стефэнс, шилдэг эрэгтэй талбайн теннисчнээр Р.Федерер, шилдэг эрэгтэй тамирчнаар сноубордын олимпийн аварга К.Хлоя …нар шалгарсан байна. Тус шагналд 41 шилдгүүдийг нэрлэдэг ажээ.  

Б.БЯМБАБАЯР