Сан-Антонио Спөрс болон Кавай Леоранд нарын драм өндөрлөлөө. Жил тойрон багтайгаа ойлголцож чадахгүй байсан К.Леонард хөлийг нь дөрөөнд, гарыг нь ганзганд хүргэж, НБА-н аварга болгохоос гадна НБА-н шилдэг тоглогч болгож өгсөн Сан-Антонио Спөрс багаа орхиж Канадын Торонто Рапторс багтай нэгдлээ.

Гэхдээ К.Леонард ганцаараа явсангүй, багийн анд Д.Грийний хамтаар Торонто руу явсан бол зөрүүлээд Торонто Рапторс багаас Д.Дерозан, Я.Пёлтл болон 2019 оны драфтын 1-р тойргийн эрхийн хамтаар Сан-Антонио Спөрс баг авсан. Энэ цаг үеийн шилдэг довтлогч К.Леонардыг алдаж байгаа боловч нөгөө талаар Сан-Антонио Спөрс багт ашигтай солилцоо байхыг үгүйсгэхгүй юм. К.Леонард өнгөрсөн улиралд багийнхаа төлөө ердөө 9 тоглолтонд оролцсон.  

Б.БЯМБАБАЯР