ОСНААУГ-ын инженерийн бодлогын хэлтсийн дарга П.Баатартуулаас орон сууцны айл өрхөд хэзээнээс дулаан түгээх талаар тодрууллаа.

-Хайрхан уулын ХК хороолол, Нийгмийн даатгал, Нэхмэлийн шар, Хараагүйчүүдийн байр, V хороолол, 50 мянгатын 23, 21, 15 дугаар байр, "Авзага 18", хотын төвийн байр, нэгдүгээр 40 мянгатын гурав, тавдугаар байрны орчмын дулааны шугам сүлжээний нойл зогсолт ирэх сарын 11-ний өдрийг хүртэл үргэлжилнэ.

Үүнтэй давхцуулаад манайх засвар үйлчилгээгээ хийж мөн өдөр дуусгах зорилготой ажиллаж байна. Манай харьяа, салбар компаниуддаа ирэх сарын 5-ны өдөр гэхэд ажлаа дуусгах үүрэг өгсөн.

Есдүгээр сарын 5-наас 10-ны өдрийн хооронд Дулааны шугам сүлжээ компанитай гэрээгээ байгуулаад 15-наас дулаан түгээх төлөвлөгөөтэй байна. Өнөөдрийн байдлаар манай компанийн ажил 81 хувьтай явагдаж байна. Харьяа компаниудаас 14 хоног тутам өвөлжилтийн бэлтгэл ажлын талаарх мэдээлэл авч байгаа. Хувийн орон сууцны конторуудаас манайд бүртгэлтэй байдаг 25 компанийн ажил 79.2 хувьтай явагдаж байгааг мэдээлсэн.