Хууль ёсны шаардлагыг биелүүлж, дэг журамтай наадсан та бүхэндээ баярлалаа | News.MN

Хууль ёсны шаардлагыг биелүүлж, дэг журамтай наадсан та бүхэндээ баярлалаа

Хуучирсан мэдээ: 2018.07.18-нд нийтлэгдсэн

Хууль ёсны шаардлагыг биелүүлж, дэг журамтай наадсан та бүхэндээ баярлалаа

Хууль ёсны шаардлагыг биелүүлж, дэг журамтай наадсан та бүхэндээ баярлалаа

Үндэсний их баяр наадмын өдрүүдэд цагдаа, дотоодын цэргийн алба хаагчид өндөржүүлсэн бэлэн байдалд ажиллаж байна. Баяр наадмын өдрүүд буюу энэ сарын 10-12-ны өдрүүдэд улсын хэмжээнд цагдаагийн байгууллагад гэмт хэрэг, зөрчлийн шинжтэй 5000 гаруй дуудлага мэдээлэл бүртгэгджээ. Энэ нь өмнөх оны мөн үетэй харьцуулахад буурсан үзүүлэлт юм.

Төв цэнгэлдэх хүрээлэн, Хүй долоон худаг, Сүхбаатарын талбайд зохион байгуулагдсан урлаг соёлын тоглолтын үеэр цагдаагийн алба хаагчид хамгаалалт зохион байгуулах болон иргэдийг гэмт хэрэг зөрчлөөс урьдчилан сэргийлэх, нийгмийн дэг журам сахиулах үүргийг амжилттай гүйцэтгэлээ. Төв цэнгэлдэх хүрээлэн, Хүйн долоон худаг болон Сүхбаатарын талбайд эцэг, эхтэйгээ баяр наадам үзэж явсан 62 хүүхэд төөрснийг цагдаагийн алба хаагчид олж эцэг, эх, асран хамгаалагчид хүлээлгэн өгчээ. Энэ жилийн наадмаар төөрсөн хүүхдийн тоо өнгөрсөн оныхоос 27 хувиар буурсан нь цагдаагийн байгууллагаас бага насны хүүхдийг төөрөхөөс урьдчилан сэргийлэх зорилгоор асран хамгаалагчийнх нь утасны дугаар бүхий бугуйвчийг зүүж өгч, эцэг, эхчүүдэд сайтар анхааруулж, сэрэмжлүүлсэн нь үр дүнтэй болсон байна.

Хүй долоон худагт цагдаа, дотоодын цэргийн байгууллагын 1000 гаруй алба хаагч уралдааны аюулгүй байдлыг хангаж, наадамчин олныг гэмт хэрэг, зөрчлөөс урьдчилан сэргийлэх үүргийг гүйцэтгэн ажилласан юм. Тухайлбал, баяр наадмын хоёр дахь өдөр буюу долоодугаар сарын 12-нд соёолон насны хурдан морьдын уралдааныг үзэж сонирхсон 60-70 мянган иргэний амар тайван, аюулгүй байдлыг хангаж, 13 мянга орчим автомашины хөдөлгөөнийг зохицуулж ажилласан байна.

ОНЦЛОГ-ЗОХИОН БАЙГУУЛАЛТ

Энэ жил баяр наадмын хурдан морьдын уралдааныг дагах автомашиныг зохион байгуулалттай болгож, дэг журамд оруулсан нь онцлог байлаа. Урьд урьдын жилүүдэд хурдан морины уралдааныг дунджаар 40-50 автомашин дагадаг байсан эмх замбараагүй асуудлыг цагдаагийн байгууллагаас цэгцэлж, яаралтай түргэн тусламж, мал эмнэлэг, телевиз, чиглүүлэгч зэрэг зайлшгүй дагах шаардлагатай найман автомашинд зөвшөөрөл олгосон юм. Уг зохион байгуулалтыг хийснээр хурдан морины уралдаан шударга явагдах болон уралдаанч хүүхдүүдийн аюулгүй байдлыг хамгаалахад чухал байлаа.

Мөн Төв цэнгэлдэх хүрээлэн болон Хүй долоон худагт худалдаа, үйлчилгээ, урлаг соёлын арга хэмжээ зохион байгуулагдах талбай, морь гараанаас барианы зурхай хүртэл телехяналтын камеруудыг суурилуулж, хяналт тавьж ажилласан нь үр дүнгээ өгч, ноцтой гэмт хэрэг, зөрчилгүй тайван наадлаа.

Цагдаагийн алба хаагчийг хүндэтгэн, хууль ёсны шаардлагыг биелүүлж дэг журамтай наадсан та бүхэндээ баярлалаа.

Эх сурвалж: ЦАГДААГИЙН ЕРӨНХИЙ ГАЗАР

5 сэтгэгдэл

News.mn сайтад сэтгэгдэл оруулахад анхаарах зүйлс

Avatar

зочин 2018-07-18 66.181.190.55

Нөгөө муу цагдаа л ажиллаж дээ. Одоо тэднийг амраа амраа

Avatar

Зочин 2018-07-18 203.91.115.38

Хамгийн гол нь хулгай байхгүй гэхээр л итгэж өгөхгүй байгаа юм. Зохион байгуулалт үнэхээр сайн болсон. Ялангуяа Хүй Мандалд. Бороо хуртай байснаас тоос шороогүй маш тухтай байлаа.

Avatar

зочин 2018-07-18 202.179.25.35

Үнэхээр сайхан наадам болсон тайван амгалан хоггүй соёлтой

Avatar

Зочин 2018-07-18 66.181.161.79

Batlan hamgaalah yam tsagdaa ontsgoi meregjliin hayanaltiihan naadamiin hamgiin hund hetsuug nuruun deeree uurdeg ni ene jil hun burt oilgogdoh shig bolsoon bayarlalaa ta buhend morinii useg eruusuu oldohgui shagaar l avahaas gj moriluu yavhad zugeer oruulhad irged ih bayarlasan shuu.daraa jil tsagdaagiin erunhii gazar zohion baiguuldag bolmoor yum bishuu buhchuudiig nam juramlsan ni ih taalagdsan shuu.

Avatar

Зочин 2018-07-18 202.179.25.202

Балай юм дэг журамтай л баярлах естойшд угаасаа зэрлэгуудийн орон юмуу хайшаа юм

NewsMN Гар утасны хувилбар Татах
NEWS.mn

Мэдээллийн эх сурвалж