Москва хотын Лужники цэнгэлдэх хүрээлэнд өчигдөр /2018.07.15/ Францын шигшээ баг Хорватыг 4:2-оор хожин дэлхийн хөлбөмбөгийн хошой аварга болсон юм. ДАШТ-ий 1998 оны дэлхийн аварга Францын шигшээ баг энэ удаагийн тэмцээнд шөвгийн 16-д Аргентиныг, шөвгийн наймд Уругвайг, хагас шигшээд Бельгийг хожин аваргын төлөө шалгаран үлдээд байсан юм.  

Эл ялалтыг Франц даяар тэмдэглэсэн юм. Гэвч эцэстээ баярлаж хөөрсөн хөгжөөн дэмжигчид талбайд үймээн самуун үүсгэн улмаар байдал хүндэрч, цагдаа нар тэдний эсрэг нулимс асгаруулагч хий, гидропульт ашиглахаас өөр аргагүйд хүрсэн байна. Хөөрсөн хөгжөөн дэмжигчид, машинаар хурдтай давхиж, байр, байшингийн дээвэр болон модон дээр гарах, мод хугалах, өнгийн утаа тавих зэрэг зөрчил гаргаж байсан тул цагдаа нар хүмүүсийг тараахаас өөр аргагүй болсон аж.