Монгол Улсын Засгийн газар болон БНСУ-ын Засгийн газартай хамтран Монгол Улсад цахим худалдан авах ажиллагааг нэвтрүүлэх төслийг хэрэгжүүлж байгаа билээ. Энэхүү ажлыг улам боловсронгуй болгох үүднээс БНСУ-ын худалдан авах ажиллагааны агентлагийн дарга Кю Юн Чой тэргүүтэй төлөөлөгчид Монгол Улсад хүрэлцэн ирж Сангийн яамны Төрийн нарийн бичгийн дарга Д.Баттөртэй өнөөдөр харилцан ойлголцлын санамж бичиг байгууллаа.

Энэхүү санамж бичгийн хүрээнд хоёр тал Засгийн газрын худалдан авах ажиллагаатай холбоотой мэдээлэл, туршлага солилцох үүднээс дараах чиглэлд хамтран ажиллах болж байна. Үүнд, Засгийн газрын худалдан авах ажиллагааны салбарт мэргэшсэн мэргэжилтнүүдийг солилцох, цахим худалдан авах ажиллагааны системийн үйл ажиллагаа, хэвийн байдлын хангах үүднээс шаардлагатай мэдээлэл, технологийн туслалцаа үзүүлэх таван асуудлыг тусгасан байна.