Умард Солонгосын удирдагч Ким Чен Ир ОХУ дахь айлчлалаа өндөрлөөд буцах замдаа Хятадын нутагт түр саатаад байна. Ким болон түүнийг дагалдан явагсад одоо Орос Хятадын хилээс 200 орчим км зайд орших Хятадын автономит муж Өвөрмонголын Хөлөнбуйр хотод хүрэлцэн ирээд байгаа ажээ.

Ким Чен Ирийн хуягт галт тэрэг пүрэв гаригийн орой 07.00 цагийн орчимд Хятадын хилийн Манжуур хотоор дайрч, Хөлөнбуйрт иржээ. Манжуурын өртөөн дээр Умардын удирдагчийн галт тэрэгний цуваа 20 минут орчим саатаж, түүнийг Хятадын төлөөлөгчид угтан авсан байна. Ноён Кимийн буцах маршрут Дандун эсвэл Түмэнгээр дайрах ба буцах замдаа Хятадын зүүн хэсгийн хэд хэдэн хотуудад буудаллах аж.