Монголын залуучуудын хол­боо гэдэг байгууллагыг 1998 оноос эхлэн өдийг хүртэл удир­даж байгаа хүнийг Ц.Зоригт­баатар гэдэг. Одоогийн УИХ-ын гишүүн Ч.Сайханбилэгээс энэхүү албыг авсан Ц.Зоригтбаатар ерөн­хийлөгч энэ олон жилд хийсэн ажил тун багатай. Хэрэв Монголд байж таарвал наадмаар нэг даага гардуулна, хавар нэг бүжгийн тэмцээн явуул­на, шинэ жилээр шилдэг оюутан шал­гаруулна энэ мэтхэнээр л түү­­ний ажил хязгаарлагдана. Ц.Зоригтбаатар тус холбоог удирдсанаасаа хойш энэ байгууллагын сүр сүлд мох­сон гэж хэлж болно.

 “Залуу хос” орон сууцны хороолол гэж олон за­луусыг хулхидсан. Тухайн үед “Хямд үнэтэй орон сууцны хо­роо­лол барина” гэж хүмүүсээс мөнгө аваад байраа ч бариагүй, мөнгийг нь ч буцааж өгөөгүй гэдэг юм би­лээ. 2000 оноос авахуулаад зургаан жил гаруй хугацаанд үргэлжилсэн энэ залилангийн хэрэг арай гэж нааштайгаар шийдэгдсэн ч Мон­голын залуучуудын холбоо, Ц.Зо­ригтбаатар хоёрын нэр шо­роонд хутгалдсан. Монгол Улс бол за­луусын орон. Гэтэл залуусын бай­гууллага нь иймэрхүү өнгө төрх­тэйгээр үйл ажиллагаа явуулж бай­гаа нь залуусыг дорд үзсэн хэ­рэг гэдэг нь мэдээж. Ямар­тай ч Ц.Зоригтбаатар ерөн­хий­л­өгч өчиг­дөр 90  нас хүрсэн Мон­го­лын залуучуудын холбоог амь та­салдахаас нь өмнө өөр хэн нэ­гэнд шилжүүлээсэй. Сүүлийн үед за­луучууд түүнийг “Монгол Муба­рак” гэдэг болсон байна лээ. Оргүй ч биш байх аа.