Хүй долоон худгийн Монгол наадам цогцолборт “Соёлын наадам” 11 дэх жилдээ болно. Уг наадам долдугаар сарын 11.12-нд болох юм. Соёлын өвийг музейд хадгалах бус монголчууд өөрсдөө оролцож, хийж, бүтээлцэж байж үүнийгээ хадгалан үлдэж, өвлүүлэн түгээх ёстой. Соёлын өвийг түгээн дэлгэрүүлэх зорилгоор энэ жилийн наадмыг Соёл, урлагийн их сургууль (СУИС), Монголын урлагийн зөвлөл (МУЗ) хамтран зохион байгуулж байгаа юм байна. Харин ‘Рио Тинто’ компани ивээн тэтгэж, ХААН банк, Чингэлтэй дүүргийн ЗДТГ дэмжиж шинэлэг агуулга, сонирхолтой хөтөлбөрүүдээр өргөжүүлэн, наадамчин олонд хүргэхээр хамтран ажиллаж байна.