Италийн хөлбөмбөгийн Ювентус клуб Испанийн Реал Мадрид клубын Португал довтлогч К.Роналдогийн төлөө 100 сая еврогийн санал хүргүүлж буй тухай мэдээ гарч байна. Талууд энэ солилцооны тухай албан ёсоор зарлаагүй байгаа ч барууны хэвлэл мэдээллүүд аль хэдийн энэ шилжилтийн талаар бичээд эхэлсэн байна. Goal.com цахим хуудаснаа К.Роналдог энэ зун багаа орхиж Ювентустэй нэгдэнэ гэж бичсэн байна. Тэрээр Италийн “хөгшин хатагтай” хэмээх Ювентус клуб К.Роналдотой 2022 он хүртэл гэрээ байгуулж магадгүй байна.

К.Роналдо энэ зун багаа орхих магадлал маш өндөр байгаа. Түүний оронд ПСЖ клубын Неймарыг авахын төлөө 310 сая еврог Реал Мадрид клуб санал болгож магадгүй тухай мөн цуу яриа гарсан. Ямартаа ч энэ зун хөлбөмбөгийн “хүн” хар зах нэлээд халуухан байх төлөвтэй.

Б.Бямбабаяр