Цаг уур, орчны шинжилгээний газраас ойрын өдрүүдэд цаг агаар ямар байх тухай мэдээлжээ. Нутгийн хойд хэсэг, отрын нутгуудад  өнөөдөр түр зуурын бороо орох аж. Төвийн аймгуудын нутгаар өнөөдөр өдөртөө 22-27 хэм, зүүн болон говийн аймгуудын нутгаар 23-28, говийн аймгуудын нутгаар 23-28 хэм  дулаан байна. Маргааш баруун зүгийн нутаг, төвийн нутгийн баруун хэсгээр, 28-29-нд баруун болон төвийн нутгийн зарим газраар, 30-нд нутгийн хойд хэсгээр түр зуурын бороотой байх аж. Нутгийн хойд хэсгээр нөгөөдрөөс цаашдаа ихэнх нутгаар сэрүүсэх төлөвтэй байгаа юм байна. Тодруулбал, Хангай, Хөвсгөл, Хэнтийн уулархаг нутгаар шөнөдөө 0-5 градус, өдөртөө 15-20 хэм, говийн бүс нутгаар шөнөдөө 8-13 хэм, өдөртөө 25-30 хэм,  бусад нутгаар шөнөдөө 5-10 хэм, өдөртөө 18-23 хэм дулаан байна.