Элсэлтийн ерөнхий шалгалт орон даяар нэгэн зэрэг явагдаж дуусаад буй.  Тэгвэл шалгуулагчдын батламж хуудсыг өнөөдөр /2018.07.04/ тарааж дуусах юм байна. 

Элсэгчид батламж хуудсыг авахдаа:

• Улаанбаатар хотын энэ онд төгссөн шалгуулагчид ЭЕШ-ын болон Монгол хэл, бичгийн шалгалтын дүнгийн батламж хуудсыг өөрийн төгссөн сургуулийн захиргаанаас томилогдсон багш, ажилтнаас хүлээн авна.

• Орон нутгийн шалгуулагчид ЭЕШ-ын болон МХБШ-ын дүнгийн батламж хуудсыг аймгийн Боловсрол, соёл,урлагийн газрын ЭЕШ хариуцсан ажилтнаас авна.

• Улаанбаатар хотод шалгалт өгсөн өмнөх оны шалгуулагч ЭЕШ-ын болон МХБШ-ын дүнгийн батламж хуудсыг БҮТ-ийн олон нийттэй харилцах ажилтнаас авна.

ЭЕШ-ын болон МХБШ-ын дүнгийн батламж хуудас нь шалгалт өгснөөс хойш 2.5 жил /30 сар/-ын хугацаанд хүчин төгөлдөр байна. Үрэгдүүлсэн тохиолдолд дахин олгохгүй бөгөөд Боловсролын үнэлгээний төвд хандан дүнгийн тодорхойлолт авч болох юм байна.

ЭЕШ-ын дүн оноо, жагсаалтыг шалгуулагч шалгалтын дүн, оноог өөрийн бүртгэлийн дугаар, болон нууц код ашиглан www.eec.mn цахим хуудаснаас үзэж болно. 

Э.Ариун