Талбайн теннисний энэ оны гурав дахь “Их дуулга” тэмцээн болох ‘Уимблдон’ Английн Лондон хотод болж байна. Эмэгтэйчүүдийн ганцаарчилсан төрлийн эхний тойргийн тоглолтууд болж, 64 теннисчин тодроход ОХУ-ын алдарт теннисчин Мария Шарапова багтсангүй. Шарапова эхний тойрогт нутгийн теннисчин Диатченкотой оноолт таарсан ч (7:6, 6:7, 4:6) ялагдан тэмцээнээ өндөрлүүллээ.

Шарапова сүүлийн хоёр жилийн хугацаанд сэргээшийн асуудлаас болж багагүй асуудалд орсон ч талбайдаа эргэн ирсэн. Өнгөрөгч зургадугаар сард Францын нээлттэй тэмцээний дунд шөвөгт шалгарсан Шарапова энэ удаа ‘Уимблдон’-ыг эхний тойргоос өндөрлүүллээ. Мариа Шарапова 2004 онд 17 насандаа “Уимблдон”-д түрүүлж байсан юм. Хамгийн сүүлд буюу 2014 онд Францын нээлттэй тэмцээнд түрүүлснээс хойш “Их Дуулга”-д түрүүлж чадаагүй.

Ч.БОЛОР