“ТВ Коктейль” хамтлагийн залуус өчигдөр “Өргөө” кино театрт “Мөнгөний гахай” киноны нээлтээ хийдээ. Тэдний хоёр дахь бие даасан дэлгэцийн бүтээлийн нээлтэд урлаг, соёлын найз нөхөд, хамтран ажилладаг уран бүтээлчид нь хүрэлцэн ирсэн юм. Кино зохиолыг тус хамтлагийн жүжигчин, найруулагч, зохиолч Д.Энхбаяр бичиж, ерөнхий найруулагчаар ажилласан бол Цоомоо, Өөскө, Аюуш нараас гадна топ модель Д.Пүрэвсүрэн, жүжигчин С.Баттулга, нар оролцон тогложээ. Нээлтийн ёслолд хошин урлагийн “Х-Түц” хамтлагийн жүжигчин Т.Бархүү, жүжигчин Г.Эрхэмбаяр, найруулагч, жүжигчин Д.Галхүү эхнэр, УДЭТ-ын жүжигчин Т.Хулангийн хамт, Гавьяат тамирчин Б.Наранбаатар зэрэг олны танил эрхмүүд найз нарынхаа уран бүтээлийг дэмжин хүрэлцэн иржээ.

Багийн найз хоёр залуугийн баяжих гэсэн бүтэлгүйхэн оролдлого, баян эрхмийн дүрд хувиран чинээлэг бүсгүйг эргүүлдэг. Тэрхүү бүсгүйг өөртөө дурлуулж дампуурч байгаа талхны цехээ аврахаар сарын турш хэрхэн бүтэлгүйтдэг болон хайр дурлалтайгаа учирч байгааг энэхүү инээдмийн киноноос ирж үзээрэй. “Мөнгөний гахай” өдөр бүр  “Тэнгис”, “Өргөө”, “Соёмбо” кино театртын дэлгэцнээ гарч байгаа бөгөөд тун удахгүй хөдөө орон нутгийн үзэгчдэд хүрнэ гэсэн таатай мэдээг киноны уран бүтээлчид амласан шүү.