Өчигдөр эхэлсэн мэргэжлийн талбайн теннисний Уимблидоны 1-р шатны тоглолтууд явагдаж байна. Тэмцээний эхний өдөр томчуудаас чансааны №6-д эрэмбэтэй Болгарын теннисчин Г.Димитров тэмцээнээ өндөрлүүлээд байна. Тэрбээр эхний даваанд Их Дуулга тэмцээний 3 цомын эзэн Швейцарын Стан Вавринкатай таараад байсан бөгөөд 4 сет тоглож 6-1, 6-7, 6-7, 4-6 харьцаатай хожигдсон. Г.Димитровын хувьд С.Вавринка яалт ч үгүй хүчтэй өрсөлдөгч юм.

С.Вавринка бол Австралийн Их Дуулгад 2014 онд, Францын Их Дуулгад 2015 онд, Америкийн Их Дуулгад 2016 онд түрүүлж байсан туршлагатай теннисчин юм. Харин өнгөрсөн онд бэртлийн улмаас формоо алдаад байгаа бөгөөд төдийлөн хүчтэй өрсөлдөөн үзүүлж чадахгүй байгаа. Ямартаа ч энэ удаа өөрөөсөө чансаа дээгүүр бичигдсэн Болгар залуу Г.Димитровыг буулгаж авснаар 2-р шатанд шалгарлаа.

Тэгвэл шилдэг 32-д эрэмбэлэгдсэн Хорватын Б.Корич, Францын Р.Гаскуэт, Сербийн Ф.Кражинович болон Аргентины Л.Майер нар тэмцээний 1-р шатанд өрсөлдөгч нартаа хожигдож үзэгчдийн суудалд шилжжээ.  

Б.БЯМБАБАЯР