"Өөжинмед" үр шилжүүлэн суулгах төв шинэ үйлчилгээгээ зарлалаа | News.MN

"Өөжинмед" үр шилжүүлэн суулгах төв шинэ үйлчилгээгээ зарлалаа

Хуучирсан мэдээ: 2018.07.03-нд нийтлэгдсэн

"Өөжинмед" үр шилжүүлэн суулгах төв шинэ үйлчилгээгээ зарлалаа

"Өөжинмед" үр шилжүүлэн суулгах төв шинэ үйлчилгээгээ зарлалаа

“Бяцхан амьдралын төлөө бид хамтдаа” уриатай ‘Өөжинмед” үр шилжүүлэн суулгах төвийн 3 жилийн ой тохиож буй энэ өдрүүдэд тус эмнэлэг шинэ байрны нээлтээ хийн, үйл ажиллагаагаа өргөжүүллээ.

Олон улсын стандарт хангасан, Монголд цорын ганц үр шилжүүлэн суулгах лабораторитай болсноороо үргүйдлийн оношилгоо, эмчилгээ, эмнэлзүйн шинэ аргуудыг нэвтрүүлж чадсан “Өөжинмед” эмнэлгийг онцлон, танилцуулж байна. Тус төвийг олимпийн аварга Э.Бадар-Ууган, түүний гэргий Х.Азжаргал нар үүсгэн байгуулсан.

Үр шилжүүлэн суулгах төвийг яагаад нээх болсон бэ?

“Өөжинмед” эмнэлгийн Гүйцэтгэх захирал Х.Азжаргал:

“Анх их сонин тохиолдлоор эмнэлэг байгуулах ажил эхэлсэн. 2009 онд бид Асашёорюү аваргын урилгаар Япон явсан юм. Тэгж очихдоо “Kato Ladies Clinic” эмнэлгийн үүсгэн байгуулагч Като захиралтай танилцсан. Като захирал их аваргыг дэмждэг, мөн боксын спортод сонирхолтой, тамирчдад хайртай хүн байсан. Тэр үед манай хүн мэргэжлийн бокст тоглоё гэсэн бодолтой байсан.

Като захирал мэргэжлийн бокс сонирхдог байсан учраас эхлээд тийшээ ороход туслах талаар ярилцдаг байсан. Харин дараа нь өөрийн эмнэлгээ танилцуулж, жирэмслэлтийн хувиараа дэлхийд тэргүүлдэг төвийнхөө салбарыг Монголд нээж болно. Хэрэв та бүхэн чадна гэвэл насан туршийн амьдралд нь хэрэг болох энэ эмнэлгийн ажлыг эх орондоо эрхлээд явуулах уу гэдэг санал тавьсан. “Миний энэ ажил их буянтай үйл. Бусад хүмүүст аз жаргал бэлэглэдэг” гээд санхүүгийн хувьд ч дэмжлэг үзүүлж, мэргэжлийн нөхцөл боломжоор хангая гэсэн. Бид эхлээд энэ саналаас сүрдэж, эргэлзэх үе байсан. Нилээд ярилцаж, бодож байгаад Като захирлын саналыг хүлээж авсан. Ингээд зургаан жилийн хугацаанд төсөл хэлбэртэй явсан. Бэлтгэл ажлаа зургаан жилийн хугацаанд хангаж явсаар 2015 онд анх төвөө байгуулсан”.

Онцлог, давуу тал

‘Өөжинмед” үр шилжүүлэн суулгах төв нь Японы “Kato Ladies Clinic”-т хэрэглэдэг үргүйдлийн орчин үеийн эмчилгээний үндсэн технологи, дэлхийд тэргүүлдэг аргачлалыг Монголд нутагшуулсан.

Японы “Товако” группийн Монгол Улс дахь цорын ганц, албан ёсны салбар эмнэлэг. Энэ чиглэлийн эмчилгээ, үйлчилгээгээрээ дэлхийд алдартай болсон тус компанид өдгөө 11 салбар эмнэлэг, олон улсын 5 салбар эмнэлэг харьяалагддаг.

‘Өөжинмед” төв Японы “Kato Ladies Clinic” эмнэлгийн захирал асан, доктор Osamu Kato-гийн санаачлан, үргүйдлийн эмчилгээнд амжилттай нэвтрүүлсэн, өндөр үр дүнтэй, дэлхий нийтэд хүлээн зөвшөөрөгдсөн байгалийн мөчлөг, зөөлөн сэдээх аргыг эмчилгээндээ ашигладаг.

“Өөжинмед” эмнэлэг өнгөрсөн хугацаанд олон улсын стандарт хангасан, Монголд цорын ганц үр шилжүүлэн суулгах лабораторитай болсноороо үргүйдлийн оношилгоо, эмчилгээ, эмнэлзүйн шинэ аргуудыг нэвтрүүлж чадсан.

Эмч, эмбрилогч, сувилагч зэрэг мэргэжилтнүүд бүгд удаан хугацаанд ажиллаж, дадлагажсан. Японд мэргэжил дээшлүүлж, тогтмол зөвлөгөө аван, ажилладаг. Япон улсад докторын зэрэг хамгаалсан эмч нар эмчилгээ, үйлчилгээг удирдан ажилладаг.

Төлбөрийн уян хатан, шударга нөхцөлтэй, хямд өртөгтэй.

Ямар үйлчилгээ үзүүлдэг вэ?

  • Үргүйдлийн оношилгоо

  • Өндгөвч сэдээх аргууд

  • Өндгөн эс боловсруулах ажилбар

  • Үр тогтоох

  • Үр хөврөл шилжүүлэн суулгах

  • Жирэмсэлсний дараах хяналт

  • Эмэгтэйчүүдийн үзлэг, оношилгоо

  • Үргүйдлийн шалтгаан, хосуудын нөхөн үржихүйн эрхтний байдал, нас зэргээс шалтгаалан ямар аргаар үр тогтоохыг шийдвэрлэдэг.

  • Сүүлийн үед судлаачдын анхаарлыг ихээр татаж буй үр хөврөлийг хөлдөөх шинэ арга болох Vitrification хэмээх хөлдөөлтийн технологи хэрэглэдэг.

  • Үйлчлэгчийн хүсэлтээр өндгөн эс, эр бэлгийн эсийг хөлдөөж, удаан хугацаагаар хадгалах үйлчилгээ үзүүлдэг.

3 жилийн үр дүн, амжилт

  • “Өөжинмед” төвд хандсан гэр бүлээс өнөөдрийн байдлаар 250 хүүхэд мэндэлсэн. Тэдний 58% нь хүү, 42% нь охин.

  • Дөрвөн гэр бүл хоёр ихэр хүүхэдтэй болсон.

  • 109 гэр бүл шинэ хүнээ хүлээж байна.

  • Нийт жирэмсэлсэн эмэгтэйчүүдийн 79,1 хувь нь үр шилжүүлэн суулгах эмчилгээ, 11,7 хувь нь цацлага эмчилгээгээр, 9,8 хувь нь эмчилгээний явцад жирэмсэн болсон.

  • Жирэмслэлтийн хувь дунджаар 56% буюу насны ангиллаар 29 хүртэлх насныханд 66,3%, 30-34 насныханд 58,1%, 35-39 насанд 58,5%, 40-44 насанд 38.9%, 45-аас дээш насанд 29.4 хувьтай байна.

ОЙРЫН ТӨЛӨВЛӨГӨӨ

  • Энэ жилээс PGD буюу эсийн хромсомын (DNK) шинжилгээ хийж эхлэх гэж байгаа.

  • Тун удахгүй Ojin эмэгтэйчүүдэд зориулсан APP гаргах гэж байгаа. Эмчилгээ, үйлчилгээ, үргүйдлийн шалтгаан, нөхцөлтэй холбоотой бүх төрлийн мэдээлэл, зөвлөгөөг энэхүү APP түгээнэ.

Хаяг: Хан-Уул дүүрэг, 120 мянгатад “Монгол Хьюндай”-н зүүн талд.

Утас: 75754455, 88060044

Сошиал хуудас: ojinmed

4 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2018-07-03 202.21.106.138

Ulsaas ene garuudad zugeer 5-6 sayaar tsutgaj bhd iim business hiilgui l yhv

Avatar

Zagdaa 2018-07-03 124.158.125.68

Daldak byldag tsolmonbaatar nziinhaa ehneriig ur suulgaj uguuchee

Avatar

Зочин 2018-07-03 66.181.170.130

Ачтан эмнэлгийн хажууд байдаг анагаахын сургаалийн тэнд байдаг байсан нүүчихсэн юм байх даа

Avatar

зочин 2018-07-03 124.158.124.237

мундаг хамт олон байна. та бүхэнд ажлын амжилт хүсье

NewsMN Гар утасны хувилбар Татах
NEWS.mn

Мэдээллийн эх сурвалж