Өнөөдөр Английн Лондон хотноо талбайн теннисний Их Дуулга тэмцээний нэг болох Уимблидон хөшгөө нээж байна. Тус тэмцээнд нутгийн тамирчин, Уимблидоны 2 удаагийн аварга Э.Мюррей бэртлийн улмаас өнжиж байна. Э.Мюррей сүүлийн жил гаруй хугацаанд ташааны гэмтлээс болж төдийлөн сайн тоглож чадахгүй байгаа. Ийнхүү Э.Мюррей нутгийн дэвжээн дээрээ өрсөлдөх боломжгүй болсон бол түүний оронд Тайвань залуу Жэйсон Жун Уимблидонд өрсөлдөхөөр болж байна.

Э.Мюррей өөрийн твиттер хуудсаараа дамжуулан энэ тухайгаа мэдэгдсэн бөгөөд бүтэн сэргэлт авахад арай болоогүй байгаа гэж үзсэн байна. Иймд энэ удаагийн Уимблидоныг өнжиж байна.  

Б.БЯМБАБАЯР