Жил бүр Хоёрдугаар сарын 28-ны өдрөөс өмнө шинээр Ерөнхий Боловсролын Сургууль болон Цэцэрлэг байгуулах хүсэлтэй иргэд, аж ахуйн нэгжүүдийн хүсэлтийг Нийслэлийн Боловсролын Газар хуулийн дагуу хүлээж авдаг билээ.

2018 онд нийт 16 сургууль, 35 цэцэрлэг байгуулах хүсэлт ирснээс Боловсрол, Соёл, Шинжлэх ухаан, Спортын яам болон Монгол улсын мэргэжлийн хяналтын газрын холбогдох хууль тогтоомж, стандарт шаардлагыг хангасан 7 сургууль, 16 цэцэрлэг шалгарчээ.

Амжилттай шалгарсан 23 байгууллага болон иргэдэд Нийслэлийн засаг даргын орлогч Ш.Анхмаа, Нийслэлийн Боловсролын Газрын дарга Ж.Гантулга тэргүүтэй албаны хүмүүс тусгай зөвшөөрөл гардуулах ёслолын ажиллагаа 2018.06.21-ны өдрийн Морь цагт Нийслэлийн Хангарди ордонд боллоо.

Энэ үеэр Күнз Бага Сургуулийн захирал Г.Өнөрсайхан, Күнз ХХК-ийн гүйцэтгэх захирал С.Анармаа, Күнз Бага Сургуулийн Сургалтын менежер М.Мөнхцэцэг нар ёслолын үйл ажиллагаанд оролцож Ерөнхий Боловсролын Күнз Сургуулийн тусгай зөвшөөрлийг гардаж авлаа.

Күнз Бага Сургуулийн хамт олон бид Монгол улсын холбогдох хууль тогтоомжийг дээдэлж, нийт сурагчдынхаа аюулгүй байдлыг хангаж, мэргэжлийн боловсон хүчнээр чанартай боловсролыг хүүхэд бүрд олгож Дэлхийд Өрсөлдөх Монгол Иргэнийг амжилттай бэлтгэж ажиллана гэдгээ амлаж байна.

ЭЛСЭЛТИЙН ШАЛГАЛТЫН ТУХАЙ

Хятад хэлний сургалттай Күнз Бага Сургуулийн 1-3 дугаар ангиудын 3 дугаар ээлжийн элсэлтийн шалгалтаар нийт 40 хүүхэд шалгаруулж авна.

1-р анги: 20 хүүхэд

2-р анги: 10 хүүхэд

3-р анги: 10 хүүхэд

БҮРТГЭЛ: 2018 оны 6-р сарын 28-ны дуустал ажлын өдрүүдэд 09:00-18:00 цагийн хооронд үргэлжилнэ.

БҮРДҮҮЛЭХ МАТЕРИАЛ

Элсэлтийн шалгалтад дараах материалыг бүрдүүлж анкет бөглөн мандатаа аваарай.

1. Сурагчийн төрсний гэрчилгээний хуулбар.
2. Сурагчийн 3 хувь чээж зураг /3:4 хэмжээтэй/.
3. Эцэг эхийн иргэний үнэмлэхийн хуулбар.
4. Бүртгэлийн хураамж 20,000₮.

ХААНА: “Күнз” бага сургуулийн байранд

ШАЛГАЛТ:  2018 оны 6-р сарын 30-ны өдөр 11 цагт “Күнз” бага сургуулийн байранд болно.

Шалгалтад бэлдэх зүйлс: Мандат, үзгэн бал, харандаа, баллуур, шугам.

ХОЛБОО БАРИХ

Утас: 90225055, 70145055

Фасебүүк хуудас: Күнз Бага Сургууль www.facebook.com/kunzsurguuli

Вэб: www.kunz.mn

Хаяг: Монгол улс, Улаанбаатар хот, Сүхбаатар дүүрэг, 6-р хороо, 46/1 байр
/Залуучууд зочид буудлын баруун тийш 100м Нийслэл Аудитын чанх урд Күнз Бага Сургууль/