Нийслэлийн Тээврийн газраас нийтийн тээврээр үйлчлүүлж байгаа зорчигчид үйлчилгээний хөлсөө төлж байгаа эсэхэд шалгалт хийж эхэлжээ. 

Шалгалтын эхний өдөр бэлэн мөнгөөр зорчих 2211, хөлс төлөөгүй 417, картын үлдэгдэл хүрэлцэхгүй 407, өндөр настны картын зөрчил 16, хөгжлийн бэрхшээлтэй иргэний 15, оюутны гурав, хүүхдийн 198 зөрчил илэрсэн байна. Тиймээс иргэдийг нийтийн тээврээр зорчихдоо бэлэн мөнгөөр төлбөр төлөхгүй зөвхөн смарт картаар үйлчлүүлэхийг Нийслэлийн тээврийн газраас анхааруулж байна. Шалгалт энэ сарын 26-ныг хүртэл үргэлжлэх ажээ.

Р.Ренчиндулам