Хойд Америкеийн NHL-н улирлын шилдгүүдийг тодруулах ёслолын үйл ажиллагаа өчигдөр Лас Вегас хотын “Hard Rock and Casino” төвд боллоо. Ингээд 2017-2018 оны улирлын шилгүүдийг танилцуулъя.

• Hart Trophy (улирлын үнэ цэнэтэй тоглогч): 2010 оны драфтын тэргүүн сонголтоор Эдмонтон Ойлерс багт очиж байсан өдгөө НьюЖерси Девилс багийн Канад жигүүр Т.Халл шалгарсан. Тэр магадгүй К.МкДэвидтэй нэг багт хамт тоглохоос илүүтэй өөр багт очсон нь зөв байсан болов уу.

• Norris Trophy (шилдэг хамгаалагч): Энэ улиралд гайхалтай тоглолт үзүүлсэн Тампа Бэй Лайтнинг багийн Швед хамгаалагч В.Хэдман анх удаагаа улирлын шилдэг хамгаалагч болсон.

• Vezino Trophy (шилдэг хаалгач): Нэшвилл Предаторс багийн Финланд хаалгач П.Ринне шалгарсан. П.Ринне анх удаагаа улирлын шилдэг хаалгач болж байгаа бөгөөд өмнө нь 2011, 2012, 2015 онуудад нэр дэвшиж байсан

• Calder Trophy (шилдэг рүүки тоглогч): НьюЙорк Айландерс багийн 21 настай залуу төвийн тоглогч М.Барзаль шалгарсан. 2016 оны драфтын №16 М.Барзаль өнгөрсөн улиралд багийнхаа төлөө бүтэн тоглолтонд оролцож 22 гоол, 63 гоолын дамжуулалт өгч 85 оноо авсан.

• Jack Adams Award (шилдэг дасгалжуулагч): Энэ улирлын сенсаци Вегас Голден Найтс багийн дасгалжуулагч Ж.Галлант улирлын шилдгээр нэрлэгдлээ. Мэдээж энэ бол зүй ёсны шагнал байх.

Энэ мэтчилэн NHL-н шилдгүүд нэрлэгдэж цомын эзэд тодорсон байна. Masterton Trophy-г Нью-Жерси Девилсийн Б.Бойле, Selke Trophy-г Лос-Анжелес Кингс багийн А.Копитар, King Clancy Memorial Trophy-г Ванкувер Кэнайкс багийн ах дүү Сединүүд, Lady Byng Trophy-г Вегас Голден Найтс багийн В.Карлссон, Ted Lindsay Award-г Эдмонтоны К.МкДэвид, Mark Messier Leadership Award-г Вегас Голден Найтс багийн Д.Энглланд нар хүртсэн бол шилдэг менежерээр Вегас Голден Найтс багийн менежер Г.МкПий хүртсэн байна.

Б.БЯМБАБАЯР