Улсын их баяр наадам болоход 20 хоногийн хугацаа үлдээд байна. Засгийн газрын хуралдаанаар өчигдөр Үндэсний их баяр наадмын үндэсний бөхийн барилдааны дүрмийг шинэчлэн баталжээ. Энэ нь бөхийн барилдааныг оновчтой зохион байгуулах, үүсэх маргааныг шийдвэрлэх, дүрмийг нэг мөр хэрэгжүүлэх зорилготой юм байна.

Үндэсний бөхийн холбооноос энэ талаарх мэдээллийг ирэх долоо хоногт өгнө гэсэн мэдээллийг өглөө.

Сүүлийн үед бөхийн холбооны маргаанаас гадна хориотой бодис хэрэглэсэн (допинг) бөхчүүдийг наадмын барилдаанд барилдуулахгүй болсон шийдвэрийг Бөхийн холбооны тэргүүлэгчдийн хурлаас гаргасан. Тэгвэл өчигдөр допингийн шинжилгээтэй холбоотойгоор дархан аварга Х.Баянмөнх Авилгатай тэмцэх газар хандаад байгаа билээ.

Үндэсний их баяр наадмын үндэсний бөхийн барилдааны дүрмээс хүргэж байна. 

Засгийн газрын 2003 оны 164 дүгээр тогтоолын 2 дугаар хавсралт

ҮНДЭСНИЙ ИХ БАЯР НААДМЫН ҮНДЭСНИЙ БӨХИЙН БАРИЛДААНЫ ДҮРЭМ

Нэг. Нийтлэг үндэслэл
1.1. Үндэсний их баяр наадмын үндэсний бөхийн барилдааныг зохион байгуулахад Үндэсний их баяр наадмын тухай хууль болон энэхүү дүрмийг мөрдөнө.
1.2. Үндэсний их баяр наадмын үндэсний бөхийн барилдааныг зохион байгуулахдаа бөхийн гараа, бөхийг цоллох ёсон, барилдаан болон барилдааны дараахь ёсон, жаяг дэгийн баг (хөлийн цэц, засуул, гарын даа, тайлбарлагч)-ийн гишүүд, бөхийн эрх, үүрэг, цээр болон энэ дүрэмд тусгаагүй барилдаантай холбогдох бусад асуудлыг Монголын үндэсний бөхийн холбооны цэцдийн зөвлөлөөс баталсан ‘Монголын үндэсний бөхийн барилдааны дүрэм’, түүнийг хэрэгжүүлэх заавар, бөхийн өмсгөлийн шаардлагыг баримтална.

Хоёр. Бөхийн барилдааны салбар хороо
2.1. Улсын наадмын үндэсний бөхийн барилдааныг Бөхийн барилдааны салбар хороо (цаашид ‘салбар хороо’ гэх) хариуцан зохион байгуулна.
2.2. Салбар хорооны бүрэлдэхүүнийг Үндэсний их баяр наадмыг зохион байгуулах хороо (цаашид ‘Хороо’ гэх) батална.

Гурав. Бөхийг бүртгэх, эрэмбэлэх
3.1. Үндэсний их баяр наадамд барилдах бөхчүүдийн бүртгэлийг гарын даа нар баяр наадам болохоос хоёр хоногийн өмнө эхэлж, баяр наадмын өмнөх өдрийн 18.00 цагт дуусгана.(Энэ заалтыг 2009-06-10-ны өдрийн 169 дүгээр тогтоолоор өөрчлөн найруулсан).

3.2. Улсын баяр наадмын үндэсний бөхийн барилдаанд ослын даатгалд даатгуулсан, 18-аас дээш насны бөхийг барилдуулна./ЗГ-ын 2012-06-25-ны 2112 тоот тогтоолоор өөрчлөн найруулсан/

Үргэлжлэлийг ЭНД дарж уншина уу.

Ч.БОЛОР