“Хүргэн хүү” кинон дээр Жамц баяны авдартаа хадгалсан мөнгийг хулгана мэрчихсэн байдаг тухай гардаг. Тэгвэл бодит амьдрал дээр ийм хэрэг Энэтхэгт гарчээ.

Энэтхэгийн нэгэн АТМ-д байсан 1,23 сая рупийг хулганууд мэрсэн тухай India Today мэдээлжээ.

АТМ өнгөрсөн тавдугаар сарын 20-ноос хойш ажиллахгүй байгаа тухай үйлчлүүлэгчид гомдол мэдүүлжээ. Бараг хоёр долоо хоногийн дараа банкны ажилтнууд төхөөрөмжийг онгойлгон засахаар очжээ. АТМ-ийг нээтэл ямар ч эвдрэл гараагүй зөвхөн тэнд байсан бүх мөнгөн дэвсгэртийг хулганууд үйртэл мэрсэн байжээ.

АТМ-д нийтдээ 2 сая 948 мянган рупи 500 болон 2000-ын дэвсгэртээр байжээ.

Хэргийн дагуу цагдаагийнхан мөрдлөг явуулж байгаа ажээ.

А.ТУЛГА