“Х ТҮЦ” продакшны уран бүтээлчид Хятадын зохиолч Ванг Хэнг Жигийн “Солиот эх” өгүүллэгээс сэдэвлэсэн уран сайхны киноны нээлтийг 2018 оны нэгдүгээр сарын 5-ны өдөр хийж байсан билээ. Дэлгэцэд гарсан цагаасаа эхлэн шуугиан тарьсан уг киноны найруулагчаар гавьяат жүжигчин И.Одончимэг, продюсерээр  Н.Онон ажилласан юм.

Тус киноны уран бүтээлчид БНХАУ-ын SCO-н хүрээнд Чиндао хотод зохион байгуулагдаж буй олон улсын анхдугаар кино наадамд амжилттай оролцож, Хятадын зах зээлд гарах санамж бичигт гарын үсэг зурсан байдаг.

Тэгвэл өчигдөр /2018.06.17/ тус кино наадмын шагнал гардуулах ёслол болж өндөрлөлөө. Энэ үеэр ‘Солиот эх’ кино нь шилдэг эмэгтэй жүжигчний номинацид шалгарч, МУГЖ И.Одончимэг шилдэг эмэгтэй жүжигчнээр тодорсон байна.

Э.Ариун