Баян-Өлгий аймгийн эмч нар өнгөрсөн долоо хоногт анх удаа орон нутагт зүрхний мэс заслыг өөрсдөө гардан хийсэн байна. Бусдад хутгалуулж биеийн байдал нь маш хүнд ирсэн өвчтөний зүрхэнд яаралтай мэс засал хийж, зүүн уушигт гарсан шархийг нь оёж цус тогтоож амийг нь аварчээ. Өмнө нь аймгийн эмч нар бие даан зүрхний мэс засал хийж байгаагүй юм байна. Тус аймгийн эмч нар мэс заслыг цаг алдалгүй амжилттай хийсний үр дүнд хүнд өвчтөний бие одоогоор сайн байгаа гэнэ.