Хуурамч фэйсбүүк хаягаас орон сууцны найман хувийн зээлд хамруулж өгөх нэрийдлээр мессенжерээр холбогдож данснаас нь хоёр сая нэг зуун мянган төгрөг залилсан хэрэг өчигдөр буюу 2018 оны тавдугаар сарын 14-ны өдөр гарчээ.

Энэ асуудлаар Цагдаагийн ерөнхий газрын хэвлэл мэдээллийн төвийн дарга Б.Баатархүүгээс тодруулахад “Ийм хэрэг бүртгэгдсэн нь үнэн. Одоогийн байдлаар цагдаагийн байгууллага эл хэргийг шалгаж байгаа. Иргэдэд сэрэмжлүүлэхэд энэ төрлийн гэмт хэргээс урьдчилан сэргийлж, тухайн хэрэглэгчийн мэдээллээ сайтар нягтлан шалгахыг зөвлөж байна” гэв.

Э.Ариун