Г.Занданшатар VS Д.Эрдэнэбат | News.MN

Г.Занданшатар VS Д.Эрдэнэбат

VS

Г.Занданшатар VS Д.Эрдэнэбат

 Засгийн газраас 2018 онд хувьчлах байгууллагынхаа жагсаалтыг зарласан. Уг жагсаалтад МИАТ, Төрийн банк, Хөрөнгийн биржийг хувьчлахаар жагсаасан байгаа. Өмч хувьчлалын талаар намуудын байр суурийг хүргэе.

Д.Эрдэнэбат

Засгийн газрын хэрэг эрхлэх газрын дарга Г.Занданшатар

Хөрөнгийн биржийг 100 хувь хувьчлах асуудал орж ирсэн. Гэхдээ Хөрөнгийн бирж Лондонгийн хөрөнгийн биржтэй Засгийн газраас санамж бичиг өгсний дагуу гэрээ байгуулсан.  Энэ гэрээний дүгнэлтийг байнгын хороо хэлэлцсэний дараа хувьчлах талаар ярих ёстой. Төрийн банктай холбоотой асуудлыг Сангийн яамны саналаар гэж оруулж ирсэн. Төрийн банк дээр олон асуудал бий.  Өнөөдөр ямар үндэслэлээр хувьчлах гээд байгаа нь ойлгомжгүй байна. 220 тэрбумын өөрийн хөрөнгөтэй, бүх суманд сүлжээтэй банкийг 70 тэрбумаар хувьчлах гэж байгаа нь сонин байна. Мөн АЗЗА-г хувьчлах асуудлаар хоёр өөр байр суурь орж ирлээ. Зам тээвэр, хөгжлийн яам үе шаттай хувьчлах санал оруулж ирсэн нь зөв байсан. Гэтэл Засгийн газар шууд 100 хувь хувьчлах ёстой гэж оруулж ирлээ. МИАТ-ийн хувьчлал ч мөн санаа зовоож байна. Нислэгийн монополь эрх, иргэдийг хохироож байгаа өндөр үнийн тарифыг болиулах уу гэдэгт шийдэл алга.

Төрийн банк, МИАТ-ийг олон нийтэд нээлттэйгээр тодорхой хувийг нь хувьчилна. Стратегийн гадны хөрөнгө оруулагч орж ирвэл тодорхой хувийг нь хувьчилна. Ингэснээр Монголд зээлийн хүүг бууруулах, зээлийн хангамж нэмэгдэнэ. Тиймээс тодорхой хувийг нь стратегийн хөрөнгө оруулагчид, үлдсэн хувийг нь Хөрөнгийн биржээр дамжуулж олон нийтэд нээлттэй худалдана. Өмнө нь хувьчлалд цөөн хүн, хуулийн этгээд оролцон тухайн аж ахуйн нэгжийг худалдан авдаг байсныг өөрчилж, хувьцааг нь Хөрөнгийн биржээр дамжуулан хувьчлах зарчим барина. Энэ нь олон нийтэд нээлттэй, шударга өрсөлдөөн бий болгоно гэсэн үг юм.

"Болор дуран"-аар шалгав.

Холбоотой мэдээ

5 сэтгэгдэл

News.mn сайтад сэтгэгдэл оруулахад анхаарах зүйлс

Зочин 2018-06-13 103.57.92.245

Д.Эрдэнэбат өвгөн худлаа уханадаж улс төрийг бохирлож байхаа болих цаг болоогүй юу. АН Монголын бүх өөдтэй бүхнийг хувьчлал нэрээр дээрэмдэж дуусгасан, цадах болоогүй юу. Сүүлийн жишээ гэхэд 2015 онд Хөтөлийн цементийн үйлдвэр, Дарханы Төмөрлөгийн үйлдвэрийг далдуур хувьд өгсөн гэдэг үнэн үү, Худлаа бол УИХ-аар хэдэн удаа хэлэлцүүлэв.

Зочин 2018-06-13 27.123.214.82

Ашигтай ажилласан гээд хөөрцөглөөд байсан яагаад хувьчлах болуу нэгл юм ба хувьчлах бол зөв гэхдээ бид ийм эрх баригчидтай байхад байзнах хэрэгтэй

Зочин 2018-06-13 202.21.99.42

Монголын Цахилгаан Холбоо ХК-нийг Корео телеком катпани 40 хувийг хувьчилж авсан байдаг. Олон жил ашигтай ажиллуулах гэж үзээд бараагүй буцааж төрд өгөх хүсэлтээ гаргаж оруулсан хөрөнгөө нэхсэн байдаг. Гэхдээ монголын төр мөнгийг нь буцааж өгсөн эсэх нь харин яаадаг бол. Энэ бол гадны хөрөнгө оруулагчид гашуун түүх Тэгэхээр тэд эдгээр компанид орж ирэх нь нэг бол стратегийн чухал салбар учир УБТЗ ХНН шиг боймлох бодлого барьж орж ирнэ. Үгүй бол хөрөнгө оруулагч олдохгүй ийм л дүр зураг харагдаж байна даа

Amar 2018-06-13 202.179.24.245

Эрдэнэбатаа та нар өөрсдөө баяжиж иргэд биднийг өрөнд оруулахаас өөр юу хийсэн болоод ингэж байнга уханадаж байдаг юм бэ?

Зочин 2018-06-13 43.228.131.110

HUTSAJ bai chi

NewsMN Гар утасны хувилбар Татах
NEWS.mn

Мэдээллийн эх сурвалж