Трампыг залгамжлагчид уулзалтыг хүлээн зөвшөөрөх эсэх нь асуудал | News.MN

Трампыг залгамжлагчид уулзалтыг хүлээн зөвшөөрөх эсэх нь асуудал

Хуучирсан мэдээ: 2018.06.13-нд нийтлэгдсэн

Трамп Кимийн дээд хэмжээний уулзалт

Трампыг залгамжлагчид уулзалтыг хүлээн зөвшөөрөх эсэх нь асуудал

Трампыг залгамжлагчид уулзалтыг хүлээн зөвшөөрөх эсэх нь асуудал

“NEWS“ агентлагийн сэтгүүлч Э.Уранцэцэг албан ёсны эрхтэйгээр Сингапураас мэдээлж байна. АНУ-ын Ерөнхийлөгч Д.Трамп болон Хойд Солонгосын удирдагч Ким Жон Ун нарын түүхэн уулзалтын талаарх албан ёсны сурвалжлагыг www.news.mn сайтаас уншина уу.


АНУ-ын Ерөнхийлөгч Дональд Трамп, Хойд Солонгосын удирдагч Ким Жон Ун нарын түүхэн дээд хэмжээний уулзалт Сингапур улсын Сентоза арлын Капелла зочид буудалд зургадугаар сарын 12-нд болж өндөрлөлөө. Дэлхийн түүхэнд тэмдэглэгдэн үлдсэн энэ уулзалтаар хоёр тал ганцаарчилсан уулзалтыг анх удаа хийж, тохиролцоонд хүрч, улмаар хамтарсан тунхаг бичигт гарын үсэг зурснаар өндөрлөв.

Энэхүү түүхэн үйл явдлыг дэлхийн 14 орны 3000 гаруй сэтгүүлчид сурвалжлав. Үүний дотор News агентлаг анх удаа албан ёсны сурвалжлах эрхтэйгээр Сингапур улсад байрласан олон улсын хэвлэл мэдээллийн төвөөс мэдээллийг цаг алдалгүй шуурхай хүргэлээ.

Энэ нь монгол сэтгүүлчид ч гэсэн дэлхийн үйл явдлыг бие даан сурвалжлах, дэлхийн хэвлэлтэй эн зэрэгцээд явах боломж бололцоо бий гэдгийг харуулж чадсан болов уу.

Сингапур улс Трамп Кимийн уулзалтын зохион байгуулалтад 20 сая ам.долларыг зарцуулсан тухай Ерөнхий сайд нь мэдээлэв. Үүнээс гадна, гаднын төлөөлөгчдийн аюулгүй байдлыг хангах үүднээс агаарын замаа зургадугаар сарын 11, 12, 13-ны өдрүүдэд хаасан. Энэ үеэр 300 гаруй сайн дурын ажилтан, 5000 цагдаагийн байгууллагын ажилтнууд дээд хэмжээний уулзалтын зохион байгуулалтад орж ажиллалаа. Сингапурын Сентоза арал бол тус улсын хамгийн том оффшор арал гэгддэг бөгөөд 1974 оноос хөгжүүлж эхэлжээ. Сентоза арал нь өмнө нь далайн дээрэмчдийн түшиц газар байсан бол өнөөдөр чинээлэг хүмүүсийн амралт, зугаалгын газар гэгддэгээрээ дэлхийд алдартай болжээ.

Трамп, Ким нар Сингапурт зургадугаар сарын 10-нд хүрэлцэн ирсэн бөгөөд түүхэнд тэмдэглэгдэн үлдсэн хоёр талын гар барилт зургадугаар сарын 12-ны 09.04 минутад тохиосон юм.

Тэд түүхэндээ анх удаа ганцаарчилсан болон өргөтгөсөн хуралдаанд орж, улмаар үдийн зоог хамтдаа барилаа. Энэ үеэр Трамп Ким Жон Уныг зоогийн ширээний ард суухыг эхэлж урьсан нь яг л үдийн зоогийн эзэн мэт дүрд тоглоод авсан гэдгийг ажиглагчид ярьж байлаа. Үүний дараагаар Трамп, Ким нар Капелла зочид буудлын ойр орчимд хамтдаа зугаалсан юм. Энэ үеэр Трамп Ким Жон Унд “The Beast” хэмээх нэртэй алдартай лимузинээ “гайхуулжээ”.

Солонгосын хойгийг цөмийн зэвсгээс ангид байлгах нь энэ удаагийн дээд хэмжээний уулзалтын гол үр дүнгийн нэг байлаа. Үүнээс гадна, талууд 1950-1953 онд болсон Солонгосын дайны үеэр амиа алдсан, сураггүй алга болсон АНУ-ын цэргүүдийг эрэн хайх ажиллагааг эхлүүлэхээр тохиролцсон юм.

Хэлэлцээ цаашид зөв чиглэлдээ өрнөх юм бол АНУ Солонгосын хойг дахь цэргийн сургуулилтаа түр зогсооно гэдгээ Трамп амлав. Ингэснээр маш их мөнгө хэмнэх боломжтой гэв. Харин хэлэлцээ цаашдаа тийм ч сайнгүй байвал цэргийн сургуулилт үргэлжилсэн хэвээр байх болно гэжээ.

Түүнчлэн Трамп Хойд Солонгост тавьсан АНУ-ын 300 гаруй хориг одоо ч гэсэн хүчин төгөлдөр байгаа гэдгийг тодотгосон. Хойд Солонгос амлалтаа биелүүлж, цөмийн зэвсгээс бүрэн татгалзсан цагт дээрх хоригийг цуцална гэжээ. Энэ тухайд АНУ-ын Төрийн нарийн бичгийн дарга Майк Помпео “Хойд Солонгос цөмийн зэвсгийн туршилтын талбайг идэвхгүй болгосон зэрэг асуудлыг шалгах ёстой” гэж өөрийн байр сууриа дээд хэмжээний уулзалтын өмнөхөн илэрхийлсэн билээ.

Талууд дээд хэмжээний уулзалтын үр дүнг эерэг хэмээн дүгнэв. Ким Жон Ун энэ уулзалтыг “түүхэн” хэмээн тодотгосон юм. Тэрбээр, “Бид түүхэн уулзалтыг хийж чадлаа. Өнгөрснийг ардаа орхиод урагшлах цаг нь болсон. Дэлхийн ертөнц энэ цаг мөчөөс эхлэн том өөрчлөлтийг харах болно” гэжээ.

Харин Дональд Трамп түүхийн шинэ хуудсыг нээхэд бэлэн байгаагаа илэрхийлсэн. Трамп, Кимийн түүхэн дээд хэмжээний уулзалт нь өөрчлөлтийг хийж болдог гэдгийг харуулсан үйл явдал боллоо гэж олон улсын сэтгүүлчид ярьж байлаа.

Хэвлэлийн бага хурлын үеэр Трамп Кимийг Цагаан ордонд урьж, өөрөө ч гэсэн Пеньянд хэзээ нэгэн цагт айлчлахаар болсон тухайгаа мэдэгдлээ. Дэлхий дахинд хүлээлт үүсгэсэн Трамп-Кимийн уулзалт амжилттай болсонд дэлхийн удирдагчид баяр хүргэсэн юм. Тухайлбал, энэ уулзалт хэрхэн өндөрлөхийг шөнөжин унталгүй хүлээсэн Өмнөд Солонгосын Ерөнхийлөгч Мун Жэ Ин түүхэн уулзалтыг ‘Гурван улсын аугаа ялалт’ хэмээн тодотгов. Харин БНХАУ-ын зүгээс түүхийн шинэ хуудас нээгдэж байна гэв. Мөн Японы Ерөнхий Сайд Шинзо Абе түүхэн уулзалт Япон улсын санааг зовоосон асуудлыг шийдэж байгаад талархал илэрхийлсэн. Мөн ОХУ-ын зүгээс Трампын Солонгосын хойг дахь цэргийн сургуулилтаа зогсооно гэсэн мэдэгдлийг нь өндрөөр үнэлэв.

Гэхдээ АНУ, Хойд Солонгос ингээд шууд эвлэрчихгүй. Асуудал хаашаа ч эргэж болно. Хамаг учир нь АНУ-д бий гэдгийг судлаачид ярьж эхэллээ. Тодруулбал, АНУ-ын нэг ерөнхийлөгч нь гарын үсэг зурдаг, харин нөгөө ерөнхийлөгч нь түүнийг нь үгүйсгэдэгт асуудал оршиж байгаа талаар судлаачид хэлж байв. Үүний тод жишээ бол 1994 онд Хойд Солонгостой хийсэн хэлэлцээр, Уур амьсгалын өөрчлөлтийн тухай Парисын хэлэлцээр, Ираны цөмийн хөтөлбөр ажээ.

Иймээс Хойд Солонгосыг цөмийн зэвсгээс нь татгалзуулах асуудал ингээд дуусчихгүй. Энэ хэлэлцээ цаашид хэрхэн өрнөх нь улам их сонирхол татаж буйг дэлхийн хэвлэлүүд болон судлаачид бичиж байна. Учир нь, Трамп ‘Бид цаашид олон удаа уулзах болно’ гэж мэдэгдсэн билээ. Харин Ким Жон Ун Трампад итгээд цөмийн хөтөлбөрөөсөө бүрэн татгалзах хүн биш гэв.

Цөмийн зэвсгийн асуудал зөвхөн ганцхан дээд хэмжээний уулзалтаар шийдэгдэхгүй. Үүнд маш их цаг хугацаа шаардлагатай. Трамп бол Трамп. Тэр энэ түүхэн явдлыг хэнд ч зарж мэднэ гэж зарим судлаачид дүгнэж байна.

Ямартай ч, Трамп АНУ-ын түүхэн дэх Хойд Солонгостой уулзаж, хамтарсан тунхагт гарын үсэг зурсан анхны ерөнхийлөгч боллоо. Энэ түүхэн үйл явдал ирэх арваннэгдүгээр сард тохиох АНУ-ын Конгрессийн сонгуульд хүчтэй нөлөөлнө. Хэрвээ Трампын нам олонх болбол Трамп дахин Ерөнхийлөгчөөр сонгогдож ч мэднэ гэж олон улс дүгнэв.

"Болор дуран"-аар шалгав.
Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

19 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2018-06-13 202.21.112.106

Манай улстөрийн схем мундаг байна шүү, дэлхийд жишиг тогтоож байнштээ. Хүчирхэг америк хүртэл манай улстөрчдөөс суралцаж нэг нь нэгээсээ үгүйсгэдэг болж байна даа

Avatar

Зочин 2018-06-13 43.228.131.62

Газар дээрээс нь сурвалжилсан ганц мэдээллийн хэрэгсэл гэхэд үнэхээр муу. Оронд нь явуулчих хэл устай өөр сэтгүүлч байгаагүй юм уу. Эсвэл ганц сайн ТВ сэтгүүлч, зураглаач хоёр явсан бол Монголын түүхэнд материал нь үлдэнэ ш дээ. Үндэсний ТВ, Ийгл, NTV газар дээрээс нь юм шиг маш сайн дамжуулсан. Тэдэнд баярлалаа.

Avatar

ШОНХ 2018-06-13 112.72.14.124

ДООДОХ -Н доодох 150-129-140- 100 ТООТ манкурт боолоо толгоинд чинь углаад хатаачихсан тэмээний ширийг чинь норгон усалж шаналал зовлонг чинь түр боловч амраая гэсэн биш ачтаныхаа эсрэг хашгирдаг баинаш дээ. чамдаа л би тэнгэрийн амитан муу жоом аштаихан баигаараи. хүний нэр ашиглан нэргүи матаас бичдэг хүн УГ ХҮНИЙХЭЭ БҮХ Л ЗОВЛОН ШАНАЛАЛ ТОХИОЛДОХ БЭРХШЭЭЛ БҮХНИЙГ АМСДАГ ГЭЖ БУРХАНЫ НОМОНД БАИДАГ ЮМ ШҮҮ. ядахдаа нэг мухар сүсэг баидаг бол энийг бодоорои атеист баисан ч ичих булчирхаи буян нүгэлийг бодож л явдаг номтои ЖООМ-Д ХАМААГҮИ БАИДАГ БАИХОО

Avatar

1 2018-06-13 202.70.42.102

x

Avatar

ШОНХ 2018-06-13 150.129.140.100

ШОНХ БИ АТААРХААД БАЛАРЧ БАЙНА. ЯМАРЧ ХАМААГҮЙ АРГААР ХАРЛУУЛАХ ГЭЭД БАРАХГҮЙ БАЙНА. ТУСЛААЧ ТАМИНЭЭ

Avatar

Trump power 2018-06-13 122.47.53.179

Үхсэн баасны гэрээ хэлцээр үг дуугүй бууж өгөх гэрээнд гарын үсэг зурав угаасаа зурахаас өөр замгүй ирэх өвөл өлсгөлөн болох нь ойлгомжтой тэгвэл энэ улсад байгаа ганц бүдүүн хүнээ хамгийн түрүүнд барьж иднэ гэдгийг түнтгэр андахгүй байгаа

Avatar

шонх 2018-06-13 112.72.14.124

ТРАМП ЮУ Ч ЧАДААГҮИ юуг ч өөрчлөөгүи. КИМИЙН ХАВ БОЛСОН . учирнь ТЭД ПУУЖИН ЦӨМИЙН ЗЭВСЭГТЭИ болтлоо яаж мачийлаа зовлоо ӨӨРСДИЙН ЭРХЭЭР ЗОВСОН Ч ЮМ ЖАРГАСАН Ч ЮМ.нарийндаа бол АНУ ОРОС ХЯТАД их бага ямар нэг хэмжээгээр КИМ ХҮҮД ХАМТ БӨӨЛДӨГДҮҮЛЧИХСЭН БАИГААШ ДЭЭ.энэ ЖАРГАЛАА НЭГ ХЭСЭГТЭЭ ЭДЛЭЖ Л ТААРАА.АНУ ХОИДЫН ХУВИЛБАР ГЭЖ БАИГАА БОЛ ОРОС ХЯТАДЫН ХУВИЛБАР БАС НӨӨЦӨНД БАИГАА. та нарын шүтдэг дэлхийн ардчилалын үлгэр жишээ орон СИНГАПУР үе дамжин төр баридагш дээ ААВ ЛИ КУАН 50 ЖИЛ ОДОО ЭНЭ ХҮҮ НЬ ҮХЭН ҮХТЛЭЭ ТӨР БАРИНА ДАА. азийн ардчилал гэдэг юм. ТЭХЭЭР КИМ БАС Л ИХ АРДЧИЛСАН УДИРДАГЧ ЮМ ШҮҮ одоо АРДЧИЛСАН УДИРДАГЧ ЦОЛ АМЕРИКА ӨГНӨШ ДЭЭ. путинд болхоор харамлачихнаа бас ККК… КИМ СИНГАГААС СУРАЛЦАНА ГЭЭД ЗАРЛАЧИХСАН кимийн одоо төрөх хүү бас АРДЧИЛСАН ЁРӨНХИЙЛӨГЧ БОЛНО ДОО

Avatar

Зочин 2018-06-13 150.129.140.100

Garaa delgen hund nairsagaar handana gedeg n baruuniihnii turulh soyol gedgiig medej yz setguulch min. Ter n ezen met aashilj bna gesen ug ogt bish. Uur amisgaliig mash nairsag baidlaar zuulluj bui ilerhiilel.

Avatar

Зочин 2018-06-13 122.201.21.134

Яг үнэндээ хэнийч чадаагүйг Трамп л чадаж байншдэ …Америкчуудын сонголт зөв байжээ . Ардчилсан сонгууль ийм л зөв үр дүнтэй байгаам дааа ..

Avatar

Зочин 2018-06-13 202.179.24.119

Америк хүн, монгол хүн хоёрын зөрөө ийм л байна даа.

Avatar

Зочин 2018-06-13 66.181.186.26

Яааг Үнэндээ Магтах цаг хугацаа арай болоогүй л байна Сохороор шүтэн бмшрэгч минь

Avatar

ББ 2018-06-13 66.181.161.117

Танай агентлагийн сэтгүүлч албан ёсоор Сингад очоод сурвалжилсан гэхэд дэндүү хуурай мэдээ байна даа. CNN BBC мэдээг хуулаад тавьсан байна. Уранцэцэг сэтгүүлч зүгээр л зугаалаад ирэв үү дээ. Хайран мөнгө.

Avatar

Зочин 2018-06-13 202.21.106.129

ХОЙД СОЛОНГОС ДЭЛХИЙН 4-ДӨГЧ ХҮЧИРХЭГ ЦӨМИЙН ЗЭВСЭГТ ГҮРЭН ГЭДГЭЭ ДЭЛХИЙД БАТАЛЛАА.ЦӨМИЙН ЗЭВСЭГЭЭ УСТГАНА ГЭЖ ХЭЗЭЭ Ч ҮГҮЙ .АНУ-Г ЦӨМИЙН ЗЭВСЭГЭЭ УСТГАВАЛ УСТГАНА ГЭЖ Л ЯРИНА ОДОО ӨМНӨД СОЛОНГОСОО ЯАЖ АНУ-С ЯАЖ САЛГАЖ АВАХ ВЭ? ГЭНЭ ШҮҮ ДЭЭ…

Avatar

Зочин 2018-06-13 103.229.122.197

Yostoi uher mongol bainadaa

Avatar

Зочин 2018-06-13 150.129.143.78

Ким гэдэг 30 аадхан настай энэ залуу үнэхээр том байна , дэлхийг донсолгож байна Гэтэл манай Ерөнхий сайдууд ефрейтор С.Баяр , тооны багш Н.Алтанхуяг , эвлэлийн ажилтан , шоу хөтлөгч Ч.Сайханбилэг , поручик У.Хүрэлсүх "Сэрэлт" киноны Бумаа гуайн хэлдгээр ёстой үхсэн хойноо, түй ой гутаж байна ! Өндөр боловсролтой Д.Содном гуай , П.Жасрай гуай , Д.Бямбасүрэн гуай , Н.Энхбаяр гуай Р.Амаржаргал , М.Энхсайхан нар чинь эдний дэргэд ЕРӨНХИЙ САЙДУУД ! 3 хан сая хүнээ аятайхан шиг хоол ундтай байлгаж чадахгүй одоогийн энэ мудак-уудаас салах заяа байна уу ???

Avatar

Зочин 2018-06-13 122.201.21.134

Тэнэгтдэг байншд… Магтах хүмүүсээ мөн олвоо ……. Хоолгүйдээ яачаав ? .

Avatar

Зочин 2018-06-13 112.72.14.205

Чи чинь харин [Хориотой Үг] галөг байна

Avatar

Зочин 2018-06-13 202.21.106.165

Аятайхан хоол ундтай байхын тулд та өөрөө болон бусад хүмүүс МОНГОЛ улсынхаа төлөө хөдөлмөрлөх ёстой юм шүү дээ!!! ҮХЭР НОВШОО!!!!!!!!

Avatar

Зочин 2018-06-13 66.181.160.37

ХАМГИЙН ГОЛ НЬ ЦААШДЫН ӨРНӨЛӨӨС ШАЛТГААЛНА Л ДАА, ӨРНӨЛ МУУ БОЛ ЦУЦЛАХЧ БАЙХ, ЦУЦЛАХ Ч ХЭРЭГТЭЙ БАЙХ, ӨРНӨЛ ӨНДӨР БОЛБОЛ ЦУЦЛАХ БОЛОМЖГҮЙ БОЛНО

NewsMN Гар утасны хувилбар Татах
NEWS.mn

Мэдээллийн эх сурвалж