Сүлжээний зах зээлд Facebook, Skype, Wechat  байхаас өмнө ‘Yahoo Messenger’-ийг хэрэглэдэг байсан цаг саяхан. Тэгвэл Oath компани ирэх долдугаар сарын 17-нд Yahoo messenger-ийг хаахаар шийдсэнээ зарлалаа. Компанийн мэдэгдэж байгаагаар 20 гаруй жил бидний хэрэглээнд байсан тус аппликэйшний оронд өөр шинэ төрлийн харилцаа холбооны шинэ сүлжээг бий болгохоор ажиллаж байгаа аж.

Squirrel аппликэйшн нь илүү дэвшилтэт, шинэчлэгдсэн хэлбэрээр хэрэглэгчдэд хүрнэ гэжээ. ‘Yahoo messenger’-ийг ашиглаж байсан хуучин хэрэглэгчид Squirrel-д  шууд холбогдох гэнэ. Тус аппликэйшнийг өнгөрсөн сараас зах зээлд нэвтрүүлэхээр туршилтын шатандаа байгаа гэжээ.

Yahoo хаягаар Mail, Fantasy, Facebook, өөр бусад сүлжээ рүү нэвтэрдэг бол айх хэрэггүй. Mail, Fantasy зэрэг сүлжээнүүдэд хэвийн ажиллана гэжээ. Verizon компани 2017 онд 4.8 тэрбум ам доллараар худалдаж авсан юм.