Шидокан каратегийн төрлөөр хичээллэж байгаа монголчууд сүүлийн жилүүдэд эрс нэмэгдэж, тив, дэлхийн аварга шалгаруулах тэмцээнд амжилттай оролцсоор байна. 

Украйн улсад зургадугаар сарын 9-10-ны өдрүүдэд болсон шидокан каратегийн Дэлхийн аварга шалгаруулах тэмцээнд оролцсон Монгол Улсын баг тамирчид нэг алт, хоёр мөнгө, таван хүрэл медаль хүртлээ. Уг тэмцээнд нийт зургаан тамирчин эх орноо төлөөлөн оролцож, өндөр амжилтыг үзүүлэв. 

Баг тамирчид өнөө шөнө эх орондоо ирнэ.