АНУ-ын Ерөнхийлөгч Дональд Трамп болон Хойд Солонгосын удирдагч Ким Жон Уны дээд хэмжээний түүхэн уулзалт өнөөдөр Сингапурт болно. Энэхүү түүхэн уулзалтыг сурвалжлахаар дэлхийн 14 орны 3000  гаруй сэтгүүлч, хэвлэл мэдээллийнхэн газар дээрээс нь ажиллаж байгаа билээ. 

Ким Жон Уны ‘Харанхуй сүүдэр’ хэмээн нэрлэгдэж байгаа бие хамгаалагчдаас илүүтэй Умардын сэтгүүлч нар ч олны анхааралд өртсөөр байна. Өчигдөр Хойд Солонгосын сэтгүүлч олон улсын сэтгүүлч нараас зугтав. Сэтгүүлч гартаа ‘EOS-1D X’ камер барьж явахдаа ийнхүү олны анхааралд өртлөө. Умардын сэтгүүлч нар Японы сүүлийн үеийн дижитал төхөөрөмж ашиглаж байгаа нь зурагт буужээ. Мөн тэд хэвлэлийнхэнд хаалттай хэвээр байгаа юм.