“Орос-2018” хөлбөмбөгийн ДАШТ хөшгөө нээхэд ердөө гурван хоног үлдлээ. Одоогоор дэлхийн аваргад оролцох 32 улсын шигшээ багийн нэрс бүрэн зарлагдсан бөгөөд 736 хөлбөмбөгчөөс хамгийн ахмад нь Египетийн хаалгач Эссам аль-Хадари гэнэ. Тэрбээр өдгөө 45 настай бол Мексикийн Рафаэл Маркуэз 39 настай ажээ. Экс Барселона клубын хамгаалагч Р.Маркуэз энэ удаагийн дэлхийн аваргад оролцож байгаа нь нь түүний тав дахь удаагийн дэлхийн аварга болж байна. Энэ амжилтаараа тэр Германы Л.Маттеус, Мексикийн Антонио Карвахаль нартай зэрэгцэж байна.

Тэгвэл хамгийн залуу тамирчин нь Панамын Хосе Луис Родригес, Английн Трент Александр-Арнольд, Францын Клайн Мбаппе, Нигерийн Францис Узохо, Мароккогийн Ачраф Хаками, Сенегалын Муосса Вагуэ, Австралийн Даниел Арзани нар дөнгөж 19 настай ажээ.

“Орос-2018” дэлхийн аваргад хамгийн олон тамирчнаа илгээж байгаа клуб бол Английн Манчестер Сити клуб болж байна. Пепийн шавь нараас 16 тоглогч нь дэлхийн аваргад оролцож байгаа бөгөөд Аргентиныг төлөөлж, Н.Отаменди, С.Агуэро, Бельгийг төлөөлж, В.Компани, де Бройне, Бразилыг төлөөлж, Г.Жесүс, Данило, Фернандиньо, Эдерсон, Английг төлөөлж, К.Уокер, Ж.Стонес, Р.Стэрлинг, Ф.Дельф, Францыг төлөөлж, Б.Менди, Германыг И.Гюндоган, Испанийг  Д.Силва, Португалыг  Б.Силва нар төлөөлөн оролцож байна. Манчестер Сити клубын араас Испаний Реал Мадрид клуб 15, Барселона 14, ПСЖ 12, Челси болон Тоттенхэм хоюулаа тус бүр 12, Бавари Мюнхен, Ювентус, Манчестер Юнайтед клубууд тус бүр 11 тоглогч, Саудын Арабыг Аль-Хилял болон Аль-Ахли клубууд тус бүртээ 10 тоглогч “илгээсэн” байна.

Шигшээ багуудын дундаж нас:

1. Кост-Рика – 29 нас
2. Мексик – 29 нас
3. Панам – 29 нас
4. Аргентин – 29 нас
5. Египет – 28 нас
6. Орос – 28 нас
7. Япон – 28 нас
8. Исланд – 28 нас
9. Саудын Араб – 28 нас
10. Бразил – 28 нас
11. Испани – 28 нас
12. Португал – 28 нас
13. Польш – 28 нас
14. Швед – 28 нас
15. Уругвай – 28 нас
16. Австрали – 28 нас
17. Колумби – 28 нас
18. Хорват – 27 нас
19. БНСУ – 27 нас
20. Бельги – 27 нас
21. Перу – 27 нас
22. Марокко – 27 нас
23. Герман – 27 нас
24. Сенегал – 27 нас
25. Иран – 27 нас
26. Швейцар – 27 нас
27. Дани – 27 нас
28. Серби – 26 нас
29. Тунис – 26 нас
30. Нигери – 26 нас
31. Франц – 26 нас
32. Англи – 26 нас

Шигшээ багуудын дундаж өндөр:

1. Серби – 186.7 см
2. Дани – 186.6
3. Герман – 185.8 см
4. Швед – 185.7 см
5. Исланд – 185.5 см
6. Бельги – 185.3 см
7. Хорват – 185.3 см
8. Нигери – 184.5 см
9. Иран – 184.5 см
10. Орос – 184.4 см
11. Сенегал – 183.7 см
12. Франц – 183.3 см
13. Польш – 183.2 см
14. Тунис – 183.1 см
15. Швейцар – 182.9 см
16. Англи – 182.7 см
17. Марокко – 182.7 см
18. Панам – 182.2 см
19. БНСУ – 181.9 см
20. Уругвай – 181.0 см
21. Египет – 181.0 см
22. Австрали – 180.9 см
23. Бразил – 180.8 см
24. Колумби – 180.8 см
25. Коста-Рика – 180.7 см
26. Испани – 179.9 см
27. Мексик – 179.8 см
28. Португал – 179.7 см
29. Япон – 178.8 см
30. Австрали – 178.6 см
31. Саудын Араб – 177.7 см
32. Перу – 177.6 см

Б.БЯМБАБАЯР